Ibi bihembo bya Shining
Stars Africa Awards 2026 byari bihataniwe n’abantu
baturuka mu bihugu bitandukanye byo muri Africa mu byiciro 52, barimo n’abanyarwanda benshi b'amazina azwi mu myidagaduro. Ni ubwa mbere ibi bihembo byari bitangiwe mu Rwanda nyuma y'inshuro ebyiri byabereye muri Afrika y'Epfo.
Ibihembo byinshi byegukanywe n'abo mu
Rwanda, Tanzania, Zambia na Ethiopia. Abo mu Rwanda babyegukanye barimo The Ben wegukanye igihembo mu cyiciro cya "Best Star
Artist East Africa" mu gihe mugenzi we Bruce Melodie we yegukanye icyo mu cyiciro cya "Best
Male Artist East Africa".
Abandi begukanye ibihembo ni Alicia na Germaine bakunzwe cyane mu muziki wa Gospel aho begukanye igihembo mu cyiciro cya "Best Star New Gospel Artist" ku rwego rwa Afrika ndetse na Clapton Kibonge wegukanye igihembo mu cyiciro cya "Best Star Content Creator" ku rwego rwa Afrika.
Hari kandi umunyamakuru w'imyidagaduro MC Tino wegukanye igikombe cya "Best
Radio Personality of the Year";
Mu bo mu bindi bihugu begukanye ibihembo harimo Topcheri wo muri Namibia wabaye umuhanzi mwiza mu Majyepfo ya Africa, Juma Jux wo muri Tanzania wabaye umuhanzi w'umwaka, Noella wo muri Uganda wabaye umuhanzi mushya muri Africa na Nomina wo muri Botswana wabaye umuhanzikazi w'umwaka muri Afrika.
Ibi birori kandi byaserutsemo abanyamideli barimo abo muri Uganda n'abahuriye mu kigo cy’abanyamideli ba RIFI aho bamuritse imyamabaro inyuranye irimo iy’abahangamideli ba Mkwandule'son (Tanzania), Nunu Fashion Luxury (Rwanda), Skhusone's Design (Zambia), Bia The African Touch (Rwanda) na Masenge Agnes (Rwanda).
Mu bahanzi basusurukije abitabiriye ibi birori harimo TopCheri wo muri Namibia umaze imyaka irenga 6 mu muziki. Akunzwe mu ndirimbo zirimo "Calling Heaven", "Omapendafule", "Koko" na "Ethanje" yakoranye na Manxebe. Mbere yo kuza mu Rwanda, yabanje kwakirwa mu Biro na Minisitiri w'Intebe wa Namibia, Tjitunga Elijah Ngurare.
Abandi bahanzi batanze ibyishimo i Kigali muri Shining Stars Africa Awards barimo Prince Luv (Zambia), Bossgia (Tanzania), Shana Sierra (Uganda), Zyrah (Tanzania), Noela (Uganda), Pheno Boy (DRC) na TChamps (Nigeria). Ibyamamare byitabiriye ibi birori byabanze gutambuka kuri 'Red Carpert', byongerera uburyohe iri rushanwa.
Abitije Seraphin wari mu itsinda ritegura ibi bihembo yabwiye inyaRwanda ko bahisemo ko bitangirwa mu Rwanda kubera ubuyobozi bwiza ndetse n'umutekano. Ati: "Abategura ibi bihembo bashimye politike y’igihugu cy’u Rwanda n’umutekano ukiranga, bahitamo kuba ari ho ku nshuro ya gatatu ibi bihembo byazatangirwa.”
Daniel Blessington Ouddar, CEO akaba n'uwatangije ibi bihembo bya Shining Stars Africa, nubwo atabashije kuboneka muri ibi birori, yashimiye cyane abahatanye bose muri bihembo ndetse n'abitabiriye itangwa ry'ibi bihembo, avuga ko kuba baravuye mu bihugu bitandukanye bakaza kwifatanya na bo ari ikintu cy’agaciro gakomeye.
Yiseguye ku makosa yabaye muri ibi birori cyane cyane ku bijyanye n'amasaha aho batangiye batinze bigatuma bimwe mu bikorwa bindi byari biteganyijwe kubera muri ibi birori bisubikwa, yizeza ko azakomeza gukora ibishoboka byose kugira ngo ibikorwa bya Shining birusheho kugenda neza. Ati: "Murakoze kunyumva".
Dore urutonde rw’abegukanye ibikombe
muri Shining Star Africa Awards 2026:
1. Best
Star Upcoming Actress East Africa: Mama Lavie
2. Best
Star Protocol: Kigali Protocal (Rwanda)
3. Best
Star New Gospel Artist: Alicia And Germaine (Rwanda)
4. Best
Star Female Dj: Dj Zebra Queen (Rwanda)
5. Best
Star Female Artist East Africa: Bwiza (Rwanda)
6. Best
Star Dancer East Africa: Iamkizii
7. Best
Star Artist East Africa: The Ben
8. Best
Star Actress East Africa: Jojo
9. Best
Star Content Creator: Clapton Kibonge
10. Best
Rising Star Southern/East Africa: Boni Shy
11. Best
Male Artist East Africa: Bruce Melodie
12. Best
Makeup Artist: Uwitonze Josiane
13. Best
Lifetime Achievement (Music/Management): Noopja
14. Best
Lifetime Achievement (Music): Massamba Intore
15. Best
Lifetime Achievement (Movie/Media): Nelly Wilson Misago
16. Best
Inspirational Man: Rocky Kimomo
17. Best
Female Model: Miss Ivy
18. Best
Fashion Designer East Africa: Dany Uno Model
19. Best
Dancer: Divine Uwa
20. Best
Artist Manager East Africa: Uhujimfura Jean Claude
21. Best
Song Of The Year Prince Luv (Zambia)
22. Best
Author: Nyericko Nyerere (Tanzania)
23. Best
Young Achiever Of The Year: Anania Junior (Tanzania)
24. Best
Videographer Of The Year: Alpha Anne (Gambia)
25. Best
Song Writer Of The Year: Zyrah (Tanzania)
26. Best
Artist Southern Africa: Topcheri (Namibia)
27. Best
Band - Twangs Pepeta (Tanzania)
28. Best
Actress: Helen Tesfay (Eritrea/Uganda)
29. Best
Logistic Company Of The Year 2025/26: Xerin Logistics (Tanzania)
30. Best
Star Agriprenuer Of The Year: Golden Agrochemicals (Tanzania)
31. Best
Male Artist: Juma Jux (Tanzania)
1. Best
Music Producer Of The Year: King Nachi (Zambia)
32. Best
Fashion Designer: Ria Fernades (Tanzania)
33. Best
Gospel Artist: Mungu Feni (Uganda)
34. Best
Member Of Parliameny Of The Year: Menber Hon Mohammed Mcchengerwa (Tanzania)
35. Best
Tv Personality East Africa: Blandy Star
36. Best
Star Photographer: Ck Media (Zambia)
37. Best
Star Entrepteneur: Mugabo Julius (Rwanda)
38. Best
Upcoming Actor: Shali Ahmed (Uganda)
39. Best
Star Female Entrepreneur: Priscilla Ajoke Ojo (Nigeria)
40. Best
Star Model Of The Year: Harara Tesfaya (Ethiopia)
41. Best
Business Man: Hussein Jamal (Tanzania)
42. Best
Upcomimg Artist: Noela (Uganda)
43. Best
Rising Star East Africa: Davide (Tanzania)
44. Best
Star Artist Southern Africa of The Year: Topcheri (Namibia)
45. Best
Rising Star Southern Africa Of The Year: Deco (Zambia)
46. Best
Dj - Dj Zebra (Rwanda)
47. Best
Model Of The Year: Harare Tesfya (Ethiopia)
48. Best
Make Up Artist Of The Year: Mikal Stanely (Tazania)
49. Best
Actress In A Tv Series: Zodwa Khumalo
50. Best
Female Artist Of The Year: Nomina (Botswana)
51. Best
Star Techprenuer Of The Year: Ntaringwa Jackson (Rwanda)
52. Best
Radio Personality of the Year: Mc Tino (Rwanda)
Ibihembo bya Shining Stars Africa Awards byatangiwe mu Rwanda ku nshuro ya mbere
Alicia na Germaine bahawe igihembo cy'umuhanzi mushya mwiza muri Gospel muri Afrika
Bwiza yabaye umuhanzikazi mwiza mu Karere ka Afrika y'Iburasirazuba muri Shining Star Africa Awards 2026
The Ben yabaye umuhanzi mwiza muri East Africa muri Shining Stars Africa Awards
Bruce Melodie ari mu bahawe ibihembi muri Shining Stars Africa Awards 2026
"Dore n'ikindi da! Mukore muve mu tugambo" - Clapton Kibonge nyuma yo kwegukana igikombe muri Shining Stars Africa Awards 2026