Ku wa Kabiri w’iki cyumweru gitaha, Thailand izaba igihugu cya mbere mu Majyepfo ya Aziya cyemeye gushyingiranwa kw'abahuje ibitsina nyuma y’uko Sena y’ubwami yemeje umushinga w’uburinganire bw’abashyingiranywe, abayishyigikiye bavuga ko ari “intambwe ishimishije y’uburenganzira bwa LGBTQ +."
Sena yatoye cyane ishyigikira umushinga w'itegeko nyuma yo gusomwa bwa nyuma, Abasenateri 130 batora bemeza uyu mushinga w’itego naho Abanyamuryango bane gusa ni bo barwanyije umushinga w'itegeko ry’abashyingiranwa bahuje ibitsina.
Uyu mushinga w'itegeko uracyasaba kwemezwa n'umwami mbere y’uko uburinganire bw'abashakanye bahuje ibitsina buba impamo muri Thailand, ariko iyi nzira ifatwa nk'ibisanzwe. Iri tegeko rizatangira gukurikizwa nyuma y’iminsi 120 rimaze gusohoka mu igazeti ya cyami.
Ibyavuye mu majwi bivuze ko Thailand izaba umwanya wa gatatu muri Aziya yemerera uburinganire bw’abashakanye nyuma yuko Taiwan yemeye gushyingiranwa kw'abahuje ibitsina muri 2019 na Nepal mu 2023.
Panyaphon Phiphatkhunarnon washinze Love Foundation - umuryango utegamiye kuri Leta uharanira uburinganire bwa LGBTQ + muri Tayilande, yatangarije CNN ati: "Uyu mushinga w'itegeko ugaragaza intambwe ikomeye iganisha ku burenganzira bwa LGBTQ + muri Thailand ."
Ati: “Ingaruka zishobora guterwa n'uyu mushinga w'itegeko ni nyinshi. Ntabwo byahindura ubuzima bw'abashakanye batabarika gusa ahubwo binagira uruhare mu mibereho myiza kandi iboneye kuri bose. "
Umushinga w’itegeko uha abashakanye bahuje ibitsina uburenganzira bwemewe n’amategeko nk’ubw'abashakanye badahuje ibitsina, harimo uburenganzira bujyanye n’umurage, kurera no gufata ibyemezo by’ubuzima.