Tems
uzwi mu ndirimbo zirimo Love Me Jeje, amaze kugera ku bantu miliyoni 38.3
bamwumva buri kwezi kuri Spotify, arusha mugenzi we wo muri Afurika y’Epfo,
Tyla, ufite miliyoni 38.2.
Iri
zamuka rije rikurikira isohoka ry’indirimbo nshya ndetse n’imikoranire ikomeye
yagize mu minsi ishize.
Mu
byamufashije kuzamuka harimo indirimbo nka What You Need (Colour version),
Bounce Road Blues yakoranye na J. Cole ndetse na Future, hamwe na Raindance
yakoranye na Dave, ikomeje kwigarurira imitima ya benshi ku isi.
Si
ubwa mbere aba bahanzi bombi bahatanira imyanya ya mbere kuri Spotify. Tyla ni
we wari ufite agahigo ko kuba umuhanzi wa Afurika wageze ku bantu benshi
bamwumva buri kwezi, aho yigeze kugera kuri miliyoni 40.
Kuri
ubu, Tems ari mu murongo mwiza wo kuba yamusatira cyangwa akamurenga, bitewe
n’uko imibare ikomeje kuzamuka.
Byongeye
kandi, Tems akomeje kuba umuhanzikazi wa Afurika wumvwa cyane kuri Spotify, aho
amaze gukusanya miliyari 4.7 z’aho indirimbo ze zumvirijwe ku mishinga yose
yagaragayemo.
Ibi
bigaragaza uko umuziki wa Afurika ukomeje gufata indi ntera ku rwego
mpuzamahanga, aho abahanzi b’abagore nka Tems na Tyla bakomeje kuyobora uru
rugendo.
Uko Spotify
yahinduye isura y’umuziki wa Afurika
Urubuga
rwa Spotify rwashinzwe mu mwaka wa 2006 muri Suwede na Daniel Ek na Martin
Lorentzon, rugamije guha abantu uburyo bwo kumva umuziki hifashishijwe internet
aho kugura CD cyangwa gukurura indirimbo mu buryo butemewe.
Mu
myaka yakurikiyeho, rwabaye imwe mu mbuga zikomeye ku isi mu gutambutsa umuziki
hifashishijwe “streaming”.
Ku
muziki wa Afurika, Spotify yahinduye byinshi. Mbere y’igihe cya ‘streaming’,
abahanzi benshi bo kuri uyu mugabane bagiraga imbogamizi zo kumenyekana ku
rwego mpuzamahanga, kuko byasabaga amasezerano n’ibigo bikomeye byo hanze
cyangwa gukwirakwiza umuziki mu buryo bwa gakondo.
Spotify
yazanye impinduka ituma umuhanzi w’i Kigali, Lagos cyangwa Johannesburg
ashobora kumvwa i New York, London cyangwa Tokyo mu kanya gato.
Ibi
byafashije cyane iterambere rya Afrobeats, Amapiano n’izindi njyana, bituma
abahanzi ba Afurika binjira ku rutonde rw’abakunzwe ku isi.
Uretse
kubafasha kumenyekana, Spotify inatanga imibare yerekana uko indirimbo
zakiriwe, bigafasha abahanzi n’abashoramari gufata ibyemezo bishingiye ku
isoko.
Muri rusange, Spotify yahinduye umuziki wa Afurika iwuvana ku rwego rwo mu karere, iwugeza ku rwego mpuzamahanga, inafasha abahanzi kubona amafaranga aturutse ku kumvwa kw’indirimbo zabo ku isi hose.
Tems yongeye kugaragaza imbaraga z’umuziki wa Nigeria ku rwego mpuzamahanga, aho yaciye agahigo ko kuba umuhanzi wa Afurika ufite abamwumva benshi buri kwezi kuri Spotify, agera kuri miliyoni 38.3
Tyla akomeje kwandika amateka mu muziki wa Afurika no ku isi, aho yigeze kugera ku bantu miliyoni 40 bamwumva buri kwezi kuri Spotify, aba umwe mu bahanzi bake bo kuri uyu mugabane bageze kuri uru rwego
