Taylor Swift n’umukunzi we Travis baguze itariki y’ubukwe bwabo

Urukundo rwabo rumaze igihe ruri mu itangazamakuru, kandi ugutangaza itariki y’ubukwe bwabo bishimangira intangiriro y'urugendo rwabo rushya.

Taylor Swift ni umwe mu bahanzi bakomeye ku isi, mu gihe Travis Kelce ari umukinnyi ukomeye wa NFL, bivuze ko ubu bukwe bushobora kuba igikorwa cy’itangazamakuru gikomeye cyane muri 2026.

Bombi bagaragara bishimye kandi biteguye gufata icyemezo gikomeye mu rugendo rwabo rw’urukundo.

Taylor Swift yagaragaje ko ari kwishimira gutegura ubukwe, nubwo akomeje kubika ibanga ku bintu byose bijyanye n’imyiteguro y’ubukwe.

Mu kiganiro yagiranye na Graham Norton muri Ukwakira 2025, yasubije ati: “Uzabimenya vuba,” ubwo Norton yamubazaga niba umwaka utaha ari wo bazakoramo ubukwe.

Taylor yongeyeho ko azajya muri gahunda yo kwamamaza Album ye “Life of a Showgirl” mbere yo gutangira byimbitse gutegura ubukwe, ariko ko ari ibyishimo bizatuma gutegura byose bigenda neza.

Yasobanuye ko ubukwe bushobora gutera guhangayika iyo abantu bacye babarirwa mu bashyitsi kandi hakabaho kugena niba umuntu akwiriye kubahwa cyangwa atabikwiriye. Taylor yavuze ko we atazabyitaho, byose bikazagenda neza kandi byishimishije.

Nk’uko urubuga rwa Page Six rwabitangaje mu Ukuboza 2025, Taylor na Travis bazakorerwa ubukwe muri Ocean House, Watch Hill, Rhode Island ku wa Gatandatu, tariki ya 13 Kamena 2026.

Hari undi mugore wari warahisemo iriya tariki, ariko Taylor Swift yaje kumuha amafaranga yatumye yemera kumuharira iriya tariki, aho bamwishyuriye ubukwe bwe bwose, n’amafaranga azakoresha mu kwezi kwa buki ibizwi nka “honeymoon.”

Taylor Swift ni umwe mu bahanzi bakomeye ku isi, wamenyekanye kubera indirimbo ze zifite ubutumwa bwimbitse kandi zibumbatiye amarangamutima y’urukundo, ubuzima n’inshuti.

Yatangiye kumenyekana akiri muto, mu 2006, asohora Album ye ya mbere yitwa “Taylor Swift”, ikaba yaragaragazaga impano ye idasanzwe mu ndirimbo za country.

Mu myaka yakurikiyeho, Taylor yagiye yihinduranya mu njyana, ava kuri country ajya kuri pop, ndetse akagera no ku njyana z’indirimbo zifite umudiho wihariye.

Zimwe mu ndirimbo ze zizwi cyane harimo “Love Story,” “You Belong With Me,” “Shake It Off,” na “Anti-Hero”, zatumye amenyekana ku rwego rw’isi yose.

Taylor ni umwanditsi w’indirimbo w’indashyikirwa, akunda kwandika ibyawe mu buryo buhambaye, bigatuma abakunzi be bumva ubutumwa bwihariye buri muri buri ndirimbo.

Yabaye n’umwe mu bahanzi bakuze mu guhanga Album zujuje impamyabumenyi, nka “1989,” “Reputation,” “Lover,” “Folklore,” na “Midnights.”

Ku bw’urugendo rwe rudasanzwe, Taylor Swift yegukanye ibihembo byinshi birimo Grammy Awards, American Music Awards, na Billboard Music Awards, kandi akunzwe cyane ku isi hose.

Urukundo rwe ruri mu itangazamakuru n’ubukwe bwe na Travis Kelce rugaragaza ko Taylor adashaka guhagarika ibyishimo bye, haba mu muziki no mu buzima bwite.

Taylor Swift ni urugero rw’umuhanzi w’ubudasa, ugaragaza ko guhanga no gukurikira inzozi bishoboka ku rwego rw’isi yose.

Taylor Swift na Travis Kelce berekanye ko bateguye urugendo rushya rw’urukundo, bagaragaza umunezero n’ishyaka mu gihe batangiye gutegura ubukwe bwabo bwa 13 Kamena 2026 

Abakunzi ba muzika n’umupira w’amaguru biteguye kubona igikorwa cy’amateka: Taylor Swift na Travis Kelce bazakorera ubukwe muri Ocean House, Watch Hill, Rhode Island