Kuri uyu wa Gatandatu ni bwo ikipe y’igihugu ya Tanzania yatsinze iya Madagascar ibitego 2-1. Ni ibitego bya Clement Mzize ku munota wa 13 na 20 mu gihe kimwe cya Madagascar cyatsinzwe na Nantenaina Razafimahatana ku munota 34.
Tanzania yahise ijya ku mwanya wa mbere mu itsinda B bigizwemo uruhare n’uko Mauritania yari yatsinze Repubulika ya Centrafrique igitego 1-0. Iri ku mwanya wa mbere n’amanota 9 aho ikurikirwa na Mauritania yo ifite amanota 4, Burkina Faso yo ikaba iya 3 n’amanota 3, Madagascar ikaba iya 4 n’inota rimwe mu gihe Repubulika ya Centrafrique yo iri ku mwanya wa nyuma aho nta nota ifite.
Ibi byahise bituma iyi kipe y’igihugu ya Tanzania ikatisha itike yo kwerekeza muri 1/4 cya CHAN ya 2024 irimo irabera iwabo, Kenya na Uganda.
Indi kipe y’igihugu izazamukana na Tanzania muri iri tsinda ni izava hagati ya Mauritania, Burkina Faso na Madagascar.
Kuri iki Cyumweru imikino ya CHAN 2024 irakomeza kuri iki Cyumweru aho Kenya irakina na Morocco saa Munani naho Zambia igakina na Angola saa saa Kumi n'imwe.
Tanzania yabimburiye ibindi bihugu mu gukatisha itike ya 1/4 muri CHAN 2024