Muri stade 16 zizakira imikino y'igikombe cy'Isi, hari izatwaye amafaranga arenga miliyari y’Amadolari ya Amerika kugira ngo zubakwe, ibintu bigaragaza uburyo ibihugu byakiriye iri rushanwa byashoye imari ikomeye mu bikorwa remezo bya siporo mu kwitegura kwakira iyi mikino ikurura abatari bake.
1. SoFi Stadium Los Angeles
Ni yo stade ihenze kurusha izindi zose zizakira Igikombe cy’Isi ndetse ni imwe mu nyubako za siporo zihenze kurusha izindi ku Isi. Yafunguwe mu 2020, aho yubatswe ku giciro cya miliyari 5.5$ ndetse ifite ubushobozi bwo kwakira abarenga ibihumbi 70.
Iyi stade ifite ama televiziyo manini azenguruka imbere muri yo ndetse n’igisenge kibonerana cyemerera urumuri kwinjira ariko kikarinda abafana imvura n’izuba.
Ni yo izanakirirwamo umukino wa mbere wa Leta Zunze Ubumwe za Amerika muri iri rushanwa Aho iri kumwe Nandi makipe abarizwa mu itsinda ndetse n’umwe muri 1/4 cy’irangiza.
2. MetLife Stadium & New York/New Jersey stadium
Iyi yo stade izakira umukino wa nyuma w’Igikombe cy’Isi ku wa 19 Nyakanga 2026. Yubatswe mu 2010 ku giciro cya miliyari 1.6$, ikaba yakira abantu ibihumbi 82.5. Nubwo itagira igisenge, ni imwe muri stade zikomeye muri Amerika kuko yakiriye Super Bowl n’ibindi birori bikomeye ku Isi.
Abasesenguzi benshi bayifata nk’imwe mu zikomeye zizakoreshwa muri iki gikombe cy'Isi cya 2026 kuko ari ho abakunzi ba Ruhago bazarebera imikino itandukanye harimo uzahuza Brazil na Morocco ndetse nuzaba hagati y'ikipe y'igihugu yubufaransa na Senegal n'umukino wa nyuma uzagena ikipe yegukana igikombe tariki ya 19 Nyakanga.
3. Mercedes-Benz Stadium
Iyi stade yafunguwe mu 2017 itwaye miliyari 1.6 y'amadolari Aho yubatswe mu gace ka atalanta. Bimwe mu byatumye iyi yo iba kumenya Bose ni igisenge cyayo gifunguka mu buryo budasanzwe kimeze nk’indabo zifunguka.
Ifite ubushobozi bwo kwakira abantu ibihumbi 75 ndetse ikazkoresha no mu kwakira umwe mu mikino ya 1/2 cy’irangiza, Ni imwe Kandi mu zifatwa nk’izigezweho kurusha izindi muri Amerika.
4. Levi’s Stadium/ San Francisco Bay Area
Yubatswe mu 2014 kugira ngo isimbure Candlestick Park yari yanditse amateka muri siporo y’Amerika. Levi’s Stadium yuzuye itwaye asaga miliyari 1.27 z'amadolari kuko ifite ubushobozi bwo kwakira abafana ibihumbi 71.
Iyi Stade yo ikaba yubakanye ikoranabuhanga ribungabunga ibidukikije ndetse akaba ari imwe mu stade zubatswe neza cyane kuburyo yifitemo ubushobozi bwo gukoresha ingufu nke.
5. AT&T Stadium
Abenshi bayita “Jerry World” kubera nyirayo Jerry Jones, ariko mu gikombe cy'Isi ikazakoreshwa nka Dallas stadium. Ni yo stade nini kurusha izindi muri muri iri rushanwa kuko ishobora kwakira abantu ibihumbi 94.
Ifite ibyuma byerekana amashusho binini cyane yari iya mbere ku Isi igihe yubakwaga ndetse igisenge cyayo gifunguka kikaba ari kimwe mu bikurura abantu benshi. Ni stade ndetse Izakira imikino izakira harimo uwa Argentina na Austria hakiyongeraho ibiri ya 1/32 umwe wa 1/16 n’umwe wa 1/2 cy’irangiza.
6. Hard Rock Stadium
Nubwo yubatswe bwa mbere mu 1987, yavuguruwe bikomeye ku giciro cya miliyoni 755 z'amadolari mu gace ka Miami , gusa uyu munsi ni imwe mu stade za mbere muri Amerika, ikaba yaranakiriye umukino wa nyuma wa Copa América 2024 wahuje Argentina na Colombia. Ni stade Kandi izakira umukino wo guhatanira umwanya wa gatatu muri Mundial 2026.
7. BC Place Vancouver
Iyi ni stade yatowe nkimwe muzizakoreshwa muri Canada ifite stade ebyiri mu gikombe cy'Isi Aho yavuguruwe ku giciro cya miliyoni zisaga 500 y'amadolari ya Canada kugira ngo ishyirwe ku rwego mpuzamahanga. kimwe mu biranga iyi stade ni igisenge kinini gifunguka gifashwe n’insinga zidasanzwe.
8. Lincoln Financial Field
Ni stade yafunguwe mu 2003 itwaye miliyoni 512 z'amadolari akaba ari imwe mu zizwi cyane muri Philadelphia ndetse izakira imikino ikomeye irimo n’umwe wa 1/8 cy’irangiza. Uretse umupira w’amaguru, yakunze kwakira amakipe n’ibitaramo bikomeye muri Amerika.
9. Lumen Field/Seattle stadium
Seattle nk'mwe mu mijyi ifite abafana benshi b’umupira muri Amerika niho hubatswe iyi Lumen Field yubatswe ku giciro cya miliyoni 430$, ikaba izwiho imifanire idasanzwe y'abafana ku buryo hari ibihe rwigeze kugaragara nk’umutingito ku bipimo by’abashakashatsi.
10. Arrowhead Stadium
Arrowhead stadium ni imwe muri stade za kera zatoranyijwe nk'izizakira igikombe cy'Isi 2026, Aho yavuguruwe itwaye akayabo ka miliyoni 375 z'amadolari ya America. Yafunguwe bwa mbere mu 1972 ariko ikomeza kuvugururwa kugira ngo ijyane n’igihe. yaje no kwemezwa ko Izakira umwe mu mikino ya 1/4 cy’irangiza.