Ikipe ya APR FC irakira Al Hilal kuri uyu wa Kane mu mukino w’umunsi wa 30 wa BK Pro League, ariko idafite abakinnyi batatu b’ingenzi ari bo Ronald Ssekiganda, Ruboneka Jean Bosco na William Togui.
Aya makipe yombi yamaze kugera kuri Kigali Pele Stadium aho aza gucakirana saa 18:30 mu mukino utegerejwe n’abakunzi benshi b’umupira w’amaguru.
Ronald Ssekiganda ntiyari mu bakinnyi bazanye n’ikipe kubera imvune yagiriye mu mukino APR FC yatsinzwemo na Etincelles FC i Rubavu.
Ruboneka Jean Bosco ukina hagati mu kibuga nawe ntiyabashije kwitegura uyu mukino nyuma y’imvune yagize akandagirirwa na Bigirimana Abedi mu mukino wa Derby wahuje APR FC na Rayon Sports kuri Stade Amahoro.
Rutahizamu William Togui nawe ntabwo ari bukine kubera amakarita atatu y’umuhondo yujuje, ibintu byatumye asiba uyu mukino nk’uko amategeko abiteganya.
APR FC irashaka gutsinda uyu mukino kugira ngo igabanye amanota irushwa na Al Hilal ku rutonde rwa shampiyona. Mu mukino ubanza wahuje aya makipe, Al Hilal yari yatsinze APR FC ibitego 2-0.
Ronald Ssekiganda, Ruboneka Jean Bosco na William Togui ba APR FC ntibakina na Al Hilal
LIVE: MU BURYO BUDASANZWE REBA UKO APR NA AL HILAL ZIGEZE KURI STADE🔥TOGUI NA SSEKIGANDA NTIBAKINA