Mu butumwa yanyujije kuri Instagram Story ye, Shakira Kay yashimiye Imana yamurinze we na murumuna we, agaragaza ko ubuzima bafite ari impano ikomeye Imana yabahaye.
Yagize ati: “Imana ibaho kandi irakora. Iyaba atari wowe Mana, ubu njye na murumuna wanjye ntituba tugihumeka umwuka w’abazima.”
Yakomeje agira ati: “Urakoze ku bw’iyi mpano y’ubuzima mfite amashimwe.”
Amagambo ya Shakira Kay agaragaza ibyishimo n’ishimwe afite nyuma yo kurokoka iyi mpanuka, we na murumuna we bakabasha gukomeza kubaho nubwo bakomerekeye muri yo mpanuka.
Shakira Kay ni umwe mu babyinnyi bagiye bagaragara mu mashusho y’indirimbo zitandukanye z’abahanzi nyarwanda. Mu ndirimbo yagaragayemo harimo ‘Umutima’ ya Butera Knowless na ‘Molomita’ ya GAD, yakoranye na Nel Ngabo na Kenny Sol.
Uretse kubyina, Shakira Kay asigaye anavanga imiziki nka DJ, aho akomeje guhuza impano ye yo kubyina n’ibikorwa byo kuvanga imiziki.
Shakira Kay yavuze amagambo akomeye nyuma yo kurokoka impanuka ari kumwe na murumuna we