Sandra Teta avuga ko kuba umugore wa Weasel ‘si ibintu byoroshye’

Mu kiganiro yagiranye na Big Eye, Sandra yavuze ko umubano wabo uhangayikishije ahanini bitewe n’uko bakomoka mu miryango n’ahantu hatandukanye.

Yagize ati: “Kuba umugore wa Weasel si ibintu byoroshye. Si uburiri bw’amashuka y’amaroza. Twaturutse mu buzima butandukanye.”

Aya magambo ye aje nyuma y’impanuka iherutse kuvugisha benshi, ubwo bivugwa ko mu makimbirane yabereye mu rugo, Sandra yagonze Weasel bikaba byaramusigiye ibikomere bikomeye byatumye ajya mu bitaro igihe kitari gito.

Uyu muhanzi yamaze ibyumweru mu bitaro, ibintu byongeye kuzamura urunturuntu mu rukundo rwabo rusanzwe rutavugwaho rumwe.

Nubwo bahuye n’ibihe bikomeye, Sandra Teta na Weasel bamaze imyaka irenga 5 babana nk’umugore n’umugabo kandi bafitanye abana.

Uru rukundo rwabo rwagiye rukurura amarangamutima ya benshi, bamwe barubona nk’urukundo rw’akataraboneka rukomeye ku byago n’ibigeragezo, abandi bakarwita urunyura mu makimbirane.

Mu myaka yose bamaze babana, ntibyigeze babura mu nkuru zivuga ku byishimo byabo ndetse no ku makimbirane akunze kubatangarizwa mu itangazamakuru ryo muri Uganda n’iry’i Kigali.

Sandra na Weasel ni bamwe mu bashakanye bakunze kuvugwaho cyane muri Uganda, bikaba rimwe na rimwe bituma haba impaka ku mbuga nkoranyambaga.

Abakunzi b’imyidagaduro bamaze kumenyera kubona urukundo rwabo mu ndorerwamo ebyiri: urw’ibyishimo n’urw’ibibazo.

Kuba Sandra avuga ko kuba umugore wa Weasel “bitamworoheye”, hri abavuga ko bishimangira ko inyuma y’ubwamamare n’ubuzima bwo hejuru, hari ikindi gice cy’ukuri kigaragaza urugendo rw’abantu babiri bashaka kubana nubwo banyuranye byinshi.

View this post on Instagram

A post shared by BigEye.Ug (@bigeye.ug)

Sandra yavuze ko we na Weasel bakomoka mu buzima butandukanye bigatuma hari byinshi bibagora 

Sandra Teta yashimangiye ko nubwo hari ibibazo byinshi, we na Weasel bamaze imyaka irenga 5 babana kandi bafitanye abana