Rwanda Youth Racing Cup: Zanetti David na Kevin bongeye kwigaragaza i Musanze - AMAFOTO

Ni isiganwa ryabaye kuri iki cyumweru tariki tariki 16 Kamena ribera mu karere ka Musanze ku muhanda uri ruguru ya Excel School. Abakinnyi batangiye ku isaha ya Saa 11:00 am hakinwa icyiciro cy’abatarengeje imyaka 10 mu cyiciro cy’abakobwa, Igiraneza Ogila niwe wabaye uwa mbere, Cyizere Olga aba uwa kabiri naho Umuhoza Joana aba uwa gatatu.

Mu bahungu, Zanetti David yabaye uwa mbere, Cyusa Happy Joshua aba uwa kabiri, Ineza Chance aba uwa gatatu. Icyakurikiyeho ni icy’aba Benjamins aho Mwamikazi Joyce mu bakobwa yabaye uwa mbere, akurikirwa na Beza Teta, Mugisha Uwase aba uwa gatatu. Mu bahungu Sano Francis yabaye uwa mbere, Uriho Clinton aba uwa kabiri naho Byishimo Aime aba uwa 3.

Muri ba Minimes mu bakobwa; Liza Jeovayile yabaye uwa mbere, Niyibizi Joyce aba uwa kabiri naho Irasetsa Amina aba uwa gatatu. Mu bahungu Eli Salim yabaye uwa mbere, Habumuremyi aba uwa kabiri, naho Nyamuberwa Christian aba uwa gatatu.

Mu batarengeje imyaka 17 mu bakobwa, Mashengesho Yvonne yabaye uwa mbere, Ingabire Divine aba uwa kabiri, naho Tuyizere Violette aba uwa gatatu. Mu bahungu, Gisubizo Issa yabaye uwa mbere, Ishimwe Bryan aba uwa kabiri naho Shema Robert aba uwa 3.

Gisubizo Isaa yabonye intsinzi ye ya mbere nyuma y'igihe kinini asoreza ku mwanya wa 2

Mu cyiciro cy’ingimbi n’abangavu, mu bakobwa, Iragena Charlotte yabaye uwa mbere, Mutoniwase Deatha aba uwa kabiri, Uwimpuhwe Alice aba uwa gatatu. Mu bahungu Nshutiraguma Kevin yabaye uwa mbere, Twagirayezu Didier aba uwa kabiri naho Nshimiyimana Focas aba uwa gatatu.

Iyi Rwanda Youth Racing Cup iri gukinwa ku mwaka wayo wa kabiri, aka kari agace ka gatandatu bakinnye muri uyu mwaka nyuma y’uduce tubiri twa Bugesera, aga kabereye i Rwamagana agace kabereye i Musanze ndetse n’agace kakiniwe i Nyamirambo.

Habura metero 30 ngo agere ku murongo, Yvonne yakoze impanuka igare ricika umunyururu, byatumye aza gusoza aritwaye mu ntoki 

Iragena Charlote yongeye gutsinda mu cyiciro cy'abatarengeje imyaka 19 

David Zanetti nyuma yo gutsinda agace ka mbere kabereye iwabo i Rwamagana yongeye kwegukana umwanya wa mbere i Musanze 

Umwamikazi Joy yakinnye afite ibendera rya FPR, iyi ni intsinzi ya 6 yegukanye muri uyu mwaka 

Igiraneza Ogilla umwe mu bana b'abakobwa batanga icyizere mu mukino w'igare