Rwanda Global Diversity: Eurydice Munana aracyayoboye abandi ban

Amajwi yafashwe kuri uyu wa Kabiri tariki 8 Nyakanga 2025, agaragaza ko uyu mukobwa agejeje amajwi 3,476, ni mu gihe akurikiw na Holy Gregorie Shimira uri ku mwanya wa Kabiri n'amajwi 2,858, Lyse Uwase uri ku mwanya wa Gatatu n'amajwi 2,450, ndese na Bella Nadege Umukundwa uri ku mwanya wa Gatanu n'amajwi 1,210.

Kugeza ubu aya matora ahatanyemo abanyamideli 15. Mu myanya y'inyuma muri aya matora harimo Mwiza Pretty uri ku mwanya wa nyuma, Feza Niyogushimwa uri ku mwanya wa 14 ndetse na Megha Ikirezi uri ku mwanya wa 13.

Aya matora yatangiye ku wa 23 Kamena 2025 akazasohozwa ku wa Gatanu tariki 11 Nyakanga 2025, nyuma hazabaha umuhango wo gutangaza umunyamideli wahize abandi, ari nawe uzafashwa guserukira u Rwanda mu bikorwa bitandukanye bihuza abanyamideli.

Embrace Africa itegura iri rushanwa ivuga ko abakobwa batatu ba mbere mu majwi bazagira amahirwe yo kuboneka mu bakobwa umunani bazagera kuri Final, ni mu gihe uwa mbere mu majwi azahita agira amahirwe yo kubona muri batatu bazatsinda.

Umunsi wa nyuma w'iri rushanwa uzaba ku wa Gatandatu tariki 19 Nyakanga 2025, ari nabwo hazamenyekanye umukobwa wegukanye iri rushanwa ry'imideli, ndetse hanatangazwe ibisonga bye bibiri.

Amatora ari kubera ku rubuga www.noneho.com

Amafoto y'abanyamideli 15 bahatanye muri Rwanda Global Diversity