Indiana
Pacers yagaragaje umukino mwiza cyane mu busatirizi, aho Obi Toppin winjiye mu
kibuga asimbuye yatsinze amanota 20. Uyu mukino watumye Thunder ibura amahirwe
yo kwegukana igikombe itarenze i Indianapolis.
Umukinnyi
w’icyamamare Tyrese Haliburton, wari wasimbye umukino wa gatanu kubera imvune
y’inyama zo ku kagombambari, yatsinze amanota 14, anatanga imipira 5 ivamo
amanota mu minota 22 yakinnye.
Haliburton
yagize ati: "Twashakaga kurinda ikipe yacu. Ntitwashakaga kureba abo
bagabo bishimira igikombe imbere y’abafana bacu. Twari twugarijwe, ariko
twarabyitwayemo neza. Abakinnyi benshi batandukanye bagize uruhare mu ntsinzi.
Twari ikipe nyakuri. Ntewe ishema n’iyi kipe."
Iyi
ntsinzi yatumye NBA igikombe kizabona nyiracyo nyuma yo gukina umukino wa
karindwi ku nshuro ya mbere kuva mu 2016, ubwo Cleveland Cavaliers yegukanaga
igikombe cya mbere itsinze Golden State Warriors 4-3.
Thunder
izakira umukino wa7 ku cyumweru ariko izasabwa kugaragaza urwego rwo hejuru
kurusha uko yitwaye kuri uyu wa Gatandatu kugira ngo yegukane igikombe cya
mbere kuva mu 1979.
Shai
Gilgeous-Alexander, wegukanye igihembo cy’umukinnyi mwiza w’umwaka (MVP), ni we
watsinze amanota menshi kuri Thunder (21), ariko ikipe ye yagowe no kuba yatangiye
umukino nabi.
Umutoza
wa Thunder, Mark Daigneault, yagize ati: "Turashimira Indiana. Batsinze mu
mucyo. Batuganje hafi ya buri gice cy’umukino. Bagaragaje ubushake bwo
gutsinda."
Umukino
wo ku Cyumeru uzaba ari uwa 20 mu mateka ya NBA Finals ugeze muri Game ya 7,
aho amakipe akinira mu rugo yatsinze inshuro 15 muri izo 19 zabanje.
Uko
imikino yagenze kugeza ubu:
Umukinio wa 1: Thunder 110-111 Pacers (Indiana
iyoboye 1-0)
Umukino wa 2: Thunder 123-107 Pacers (Binganya 1-1)
Umukino wa 3: Pacers 116-103 Thunder (Indiana
iyoboye 2-1)
Umukino wa 4: Pacers 104-111 Thunder (Binganya 2-2)
Umukino wa 5: Thunder 120-109 Pacers (Oklahoma
iyoboye 3-2)
Umukino wa 6: Pacers 108-91 Thunder (Binganya 3-3)
Umukino wa 7 wo utegerejwe ku Cyumweru ukaba ari
nawo uzatanga igikombe.
Pacers yagarukanye Thunder mu mukino wa Gatandatu amakipe yombi ategereza umukino wa 7
Oklahoma City izakira umukino wa karindwi uzanzura ikipe izatwara igikombe