Ni
ubutumwa yanditse mu Kinyarwanda gitomoye, ashimangira ko urukundo yakunze
kubona mu Banyarwanda ndetse n’inshuti nyinshi afite mu Rwanda ari byo bituma
yumva ahafite umwanya wihariye.
Romy
Jons, uzwi kandi nka RJ The DJ, amazina ye nyakuri akaba Romeo George Bangula,
ni umwe mu bantu ba hafi cyane mu buzima bwa Diamond Platnumz. Usibye kuba ari
mubyara we, bakuranye bafitanye umubano wa hafi ku buryo bafatana nk’abavandimwe.
Ni
na we DJ wihariye wa Diamond, akaba ari we umucurangira mu bitaramo bikomeye
uyu muhanzi akorera hirya no hino ku Isi.
Mu
butumwa yashyize kuri konti ye ya Instagram kuri uyu wa Gatandatu tariki 29
Kanama 2026, Romy Jons yavuze ko u Rwanda arufata nk’aho ari iwabo.
Yagize
ati: “Aha hantu ni nko mu rugo kuri njye. Icya mbere, mfite inshuti nyinshi
hano; icya kabiri, mwese mumfata nk'umwe mu bagize umuryango wanyu. Murakoze
cyane ku rukundo rwinshi mumpa, ndabona urukundo rwanyu hose. Ndabakunda cyane
kandi sinabasha kubisobanura mu magambo.”
Aya
magambo agaragaza ko umubano wa Romy Jons n’u Rwanda utarangirira ku kuba ahaza
mu bitaramo cyangwa mu bikorwa by’umuziki, ahubwo ko amaze kuhagira inshuti
n’abantu yumva bamufata nk’umwe muri bo.
Romy
Jons ni umwe mu bantu bagaragara cyane iruhande rwa Diamond Platnumz, haba mu
buzima bwe bwite no mu rugendo rwe rw’umuziki.
Nubwo
ari mubyara wa Diamond, kuba barakuriye hamwe byatumye umubano wabo urenga
cyane uwo mu muryango.
Bafatana
nk’abavandimwe b’inda imwe, ndetse Romy Jons akaba umwe mu bantu Diamond yizeye
cyane mu bikorwa bye bya muzika.
Umwanya
afite mu ikipe ya Diamond na wo ni uw’ingenzi, kuko ari we DJ we wihariye mu
bitaramo bikomeye uyu muhanzi akorera mu bihugu bitandukanye.
Umubano
wa Romy Jons n’u Rwanda kandi umaze imyaka myinshi ushingiye no ku kazi
k’umuziki.
Ni
umwe mu bantu bagize uruhare mu guhuza The Ben na Diamond Platnumz, bikaza
kuvamo indirimbo yabo yamenyekanye cyane yitwa “Why”.
Romy
Jons kandi afite umubano n’abandi bahanzi nyarwanda, aho yakoze indirimbo na
Meddy, ndetse akaba yaranagiye agaragaza ko afite indi mishinga y’umuziki
afitanye n’umuhanzi Andy Bumuntu.
Ibi
bituma ataba gusa DJ uzwi cyane kubera kuba akorana na Diamond, ahubwo akaba
n’umwe mu bantu bo mu muziki wa Afurika bagize uruhare mu guhuza abahanzi
nyarwanda n’abahanzi bakomeye bo hanze.
Romy
Jons si ubwa mbere ageze i Kigali. Yagiye aza mu Rwanda mu bihe bitandukanye,
haba mu bitaramo ndetse no mu bindi bikorwa by’imyidagaduro.
Yigeze
kugaragara mu bikorwa nka Silent Disco, ndetse yanagiye gushyigikira The Ben mu
bikorwa bitandukanye, harimo no mu mikino ya Basketball Africa League (BAL).
Kuba
yaragiye agaruka kenshi mu Rwanda, guhura n’abahanzi nyarwanda ndetse no kugira
inshuti nyinshi hano, ni bimwe mu bituma avuga ko Kigali ayumva nk’ahantu
h’iwabo.
Kuba
abantu benshi mu Rwanda bamumenya nk’umwe mu bantu ba hafi ba Diamond Platnumz,
kuba afitanye umubano n’abahanzi nyarwanda ndetse akaba amaze igihe agaruka i
Kigali, byatumye izina rye rimenyekana cyane mu bakurikira imyidagaduro
nyarwanda.
Na
we ubwe asa n’uwamaze kwakira uwo mubano, kuko mu butumwa bwe yavuze ko aho mu
Rwanda ahafata nk’iwabo, naho Abanyarwanda akabafata nk’abantu bamaze kuba hafi
y’umutima we.
Ni
yo mpamvu, mu gihe Diamond Platnumz ari mu Rwanda, Romy Jons na we akunze kuba
ari mu bantu bamuba hafi, yaba ku rubyiniro cyangwa hanze yarwo.
Romy Jons yavuze ko afite inshuti nyinshi mu Rwanda, bituma ahafata nko mu rugo
Rj The Dj asanzwe ari Dj wa Diamond, ndetse amucurangira mu bitaramo binyuranye
Visi
Perezida wa Wasafi akaba Dj wa Diamond akaba kandi inshuti yo mu bwana bwe,
Romy Jons yanditse ubutumwa mu Kinyarwanda gitomoye