Reka 'Massage' y’ibirenge nkomeze kuyihabwa! Mimi yashimye umugabo we Meddy avuga urwo akunda uwo yibarutse

Kuwa 22 Gicurasi 2021 nibwo Meddy na Mimi nyuma y’imyaka isaga 4 bahuye biyemeje kubana akaramata, byari ibirori bisa nk’igitaramo kubera ibyamamare nyarwanda byabwitabiriye.

Nyuma y’iminsi myinshi hibazwa ku kwibaruka k’uyu muryango kuwa 23 Werurwe 2022 ni bwo Meddy yatangaje ko bamaze kwibaruka umwana w’umukobwa.

Benshi batangiye kubarata amashimwe barimo The Ben wahise agira ati:"Ntewe ishema no kuba se wabo w’umwana."

Kuri ubu Mimi nawe yafashe umwanya ashima yivuye inyuma urukundo rutangaje yeretswe n’umugabo we mu gihe yari atwite kugeza yibarutse amusaba ko byakomereza aho cyane cyane massage y’ibirenge.

Mimi yagize ati:"Ku mugabo wanjye w’igikundiro, warakoze ku bwo kwihanganira ihindagurika ry’imyitwarire yanjye mu mezi ashize kuko Imana irabizi ukuntu byari bimeze, hamwe ni ukuntu nakomeje kugenda umunsi ku wundi nsaba ibi n'ibi."

Akomeza agira ati:"Wakomeje kwihangana kandi no kunkunda kandi watumye urugendo rurushaho kuba rwiza. Sinabona uko mbigukundira bikwiye mukundwa. Imana ni nziza reka rero massage y’ibirenge nkomeze kuyihabwa."

Ngabo Mimi kandi yakomoje ku rwo akunda uwo yibarutse agira ati:"Amezi icyenda mu nda yanjye ariko ubuzima bwawe bwose mu mutima wanjye." Kugeza ubu nta foto y’umwana aba bombi bibarutse barashyira hanze ndetse n’itariki nyayo bibarukiyeho ntibarayitangaza.

Ubutumwa bwa Mimi ashima Meddy

Isezerano rya Mimi kuwo yibarutse

Meddy na Mimi bamaze amezi 10 basezeranye kubana akaramata

Umuryango wa Meddy ukomeje kugaragaza ibyishimo utewe n'imfura

Inyunganizi ya The Ben agaragaza ko atewe ishema no kuba se wabo w'umwana