Mu mwaka ushize w’imikino ikipe ya Real Madrid yahuye n’ibibazo by’imvune zitandukanye ku bakinnyi bayo. Abakinnyi bonyine batigeze bavunika ni Luka Modric na Arder Guller mu gihe bamwe mu bavunitse ndetse bakanabagwa barimo Antonio Rudiger, Ferland Mendy, David Alaba na Dani Carvajal.
Kuri ubu Real Madrid yafashe umwanzuro wo kwirukana bamwe mu baganga bayo bitewe n’iki kibazo ndetse no kuba hari harimo ukutumvikana hagati yabo. Abo yirukanye barangajwe imbere n'abari abayobozi muri iki gice nka Daniel Rosado na Jaime Abascal.
Kuri ubu ugiye kuyobora ibijyanye n’Ubuganga muri Real Madrid ni Dr Felipe Segura usanzwe muri Real Madrid kuva muri 2021.
Mu bandi bazahabwa akazi harimo Manuel Arroyo wari usanzwe mu ikipe ya Granada. Biteganyijwe ko Real Madrid izatangira imyitozo yitegura umwaka utaha w’imikino ku munsi w'ejo ku wa Mbere.
Muri shampiyona izatangira ikina na Osasuna tariki ya 19 z’uku kwezi.