Mu itangazo ryasohowe na Real Madrid kuri uyu wa Mbere yagize iti: ”Real Madrid iratangaza ko ku bwumvikane bw’impande zombi, hafashwe icyemezo cy’uko igihe cya Xabi Alonso nk’umutoza w’ikipe ya mbere kirangira”.
Real Madrid yavuze ko Xabi Alonso azahora afitiwe urukundo n’icyubahiro n’abafana bose ba Real Madrid kubera ko ari umunyabigwi w’ikipe ndetse akaba ahagarariye indangagaciro zayo. Yamushimiye we n'abo bakoranaga ku bw'akazi bakoze.
Real Madrid ntabwo yagize umusaruro mwiza mu kwezi kwa 11 n’ukwezi kwa 12 dore ko yatsinze imikino 3 gusa muri 9 yakinnye. Usibye ibijyanye n’umusaruro, Xabi Alonso yari afitanye ibibazo n’abakinnyi ba Real Madrid barangajwe imbere na Vinicius.
Uyu mutoza wari warageze muri Real Madrid mu mpeshyi y’umwaka ushize yirukanwe nyuma y’uko iyi kipe itsinzwe na FC Barcelona kuri Super Cup ya 2025 wabaye ku Cyumweru tariki ya 11 Mutarama 2026.
Muri rusange yari amaze gutoza imikino 34 akaba yaratsinzwe imikino itandatu, anganya ine, atsinda 24. Yahise asimbuzwa Alvaro Arbeloa wari usanzwe atoza abatarengeje imyaka 21.
Real Madrid yatandukanye na Xabi Alonso