Real Madrid yasabye ko Perezida wa La Liga yegura nyuma yo gushinjwa ‘kubaho mu yindi si’ mu mpaka z’abasifuzi

Aya magambo ya Tebas aje nyuma y’uko umutoza wa Real Madrid, José Mourinho, atanze ibitekerezo bikomeye ku misifurire nyuma yo gutsindwa na Atlético Madrid ibitego 2-1 mu mukino wa La Liga wabaye ku Cyumweru.

Mourinho yari yanenze umusifuzi w’umukino, avuga ko abakinnyi ba Atlético Madrid, Cristian Romero na Lee Kang-in, bari bakwiye guhabwa amakarita atukura kubera amakosa bakoze mu gice cya mbere.

Mu kiganiro n’itangazamakuru nyuma y’umukino, Mourinho yari yagaragaje amafoto y’ayo makosa, agira ati: “Ntabwo dukeneye gukora ikiganiro n’itangazamakuru kuko inkuru y’umukino iri hano: ni amakarita atukura abiri agaragara neza.”

Nyuma y’ayo magambo, Javier Tebas yifashishije imbuga nkoranyambaga asubiza Real Madrid, avuga ko kuvuga ko abasifuzi bafite amabwiriza yo guca intege iyi kipe ari ibintu bitumvikana.

Tebas yagize ati: “Kuvuga ko abasifuzi bayoborwa kugira ngo barwanye Real Madrid ni ukubaho mu yindi si.”

Perezida wa La Liga yakomeje avuga ko Real Madrid iri gukoresha ibyo birego nk’uburyo bwo guhisha ibindi bibazo ikipe ifite mu ntangiriro za shampiyona.

Ati: “Iyo mvugo ikoreshwa nk’urwitwazo rwo guhisha izindi ntege nke zigaragara muri iyi mikino ya mbere ya shampiyona. Biroroshye kuvuga ko hari umugambi mubisha kurusha gusobanura ibibera ku kibuga.”

Tebas yongeyeho ko ikosa ry’umusifuzi rimwe cyangwa menshi atari gihamya y’uko hari umugambi wo kugirira nabi ikipe runaka. Ati: “Ikosa ry’umusifuzi ntirihamya umugambi mubisha, kandi kurisubiramo imyaka myinshi ntabwo bihindura ukuri.”

Nyuma y’amagambo ya Tebas, Real Madrid yasohoye itangazo risa n’aho risaba ko Perezida wa La Liga yegura cyangwa agasimbuzwa.

Iyi kipe yavuze ko bidakwiye ko umuntu uri ku mwanya wa Perezida wa La Liga akoresha inshingano ze mu guhora anenga no gutera Real Madrid mu biganiro bye bya rubanda.

Real Madrid yagize iti: “Ntibyihanganirwa ko Perezida wa La Liga akoresha umwanya we  mu guhora asuzugura no gutera Real Madrid muri buri jambo avuga mu ruhame.”

Iyi kipe yavuze ko Tebas “yibasiye Real Madrid” ku buryo bukabije, inenga amagambo ye ko ari “adasobanutse, adakwiye kandi atari ayo umuntu uri kuri uwo mwanya yakagombye kuvuga.”

Real Madrid yakomeje iti: “Kubera iyi myitwarire idakwiye kandi imaze igihe ikomeza, twemera ko umupira w’amaguru w’ababigize umwuga muri Espagne ukeneye byihutirwa umuyobozi ushoboye kuwuyobora no guteza imbere ubushobozi bwawo bwose, ndetse akubahiriza inshingano y’ibanze yo kutabogama.”

Iyi kipe yasabye ko amakipe aigize La Liga yagira umuyobozi ukora akazi ke mu kuri no mu bwisanzure. Ati: “Amakipe akeneye umuntu uzakora iyo nshingano mu bunyangamuga.