Uyu mukino wakinwe kuri uyu wa Gatatu saa Kumi Nebyiri kuri Kigali Pele Stadium.
Ku munota wa 3 Boris Gbenou wa Rayon Sports yashoboraga gufungura amazamu ariko apfushw ubusa amahirwe yari abonye.
Ku wa 10 Al Ahly Sports Club Wadmadni yari ibonye uburyo ku mupira wari uhawe Ibrahim Camara ariko birangira umunyezamu wa Rayon Sports atabaye.
Uko iminota yagendaga niko iyi kipe yo muri Sudani yinjiraga mu mukino ndetse itangira no kuwiharira binyuze mu guhererekanya.
Ku munota wa 41 Kameni Junior yafunguye amazamu akoresheje umutwe ku mupira yari ahawe na Muderi Akbar.
Mu gice cya kabiri Umutoza wa Rayon Sports,Haringingo Francis yaje akora impinduka mu kibuga havamo Nshimiyimana Fabrice,Nisingizwe Christian,Boris Gbenou,Atisso Kodjo na Izza Djiguiba hajyamo Tony Kitoga,Tambwe Gloire,Hakizimana Zubel,Ganijuru Ishimwe Elia na Muhoza Daniel.
Murera yashatse igitego cya kabiri ubundi ikibona ku munota wa 50 gitsinzwe na Kameni Junior.
Ku munota wa 63 Emad Slah Al Sini yatsinze igitego cya here cya Al Ahly Sport Club Wadmadni kuri kufura yateye umupira uruhukira mu nshundura.
Umukino warangiye Rayon Sports itsinze Al Ahly Sport Club Wadmadni ibitego 2-1 uba umukino wa 9 iyi kipe yambara ubururu n’umweru itsinze yikurikiranya.
Kameni Junior yishimira igitego yatsinze
Rayon Sports yatsinze umukino wa 9 yikurikiranya