Ni mu mukino wo kwishyura wa 1/8 wakinwe kuri uyu wa Kane kuri Kigali Pele Stadium. Umukino ubanza Rayon Sports yari yaratsinze ibitego 2-0 gusa no mu wo kwishyura ntibyayibujije kuzana imbaraga.
Bidatinze ku munota wa 3 gusa Habimana Ybes yafunguye amazamu ,ku wa 12 Fall Ngagne atsinda icya kabiri naho ku wa 15 Joachim Vigninou atsinda icya Gatatu. Ku munota wa 28 Habimana Yves yatsinze igitego cya kane naho ku wa 32 Fall Ngagne atsinda cya 5. Igice cya mbere cyarangiye Rayon Sports iyoboye n’ibitego 5-0.
Mu gice cya kabiri n’ubundi Murera yagarukanye imbaraga ku munota wa 69 Yves atsinda icya 6 naho ku wa 73 Sindi Paul Jesus atsinda 7. Ku munota wa 8 Ben Aziz Dao yatsinze igitego cya 8 naho ku wa 89 Habimana Yves atsinda igitego cye cya 4 muri uyu mukino.
Rayon Sports yahise isezerera City Boys isanzwe ikina mu cyiciro cya kabiri ku kinyuranyo cy’ibitego 11-0 yerekeza muri 1/4 cy’igikombe c’Amahoro cya 2026 aho izahura n’izava hagati ya Police FC na Gicumbi FC zifitanye umukino ku munsi wejo.
Habimana Yves yatsinze ibitego 4 ari wenyine
Rayon Sports yandagaje City Boys yerekeza muri 1/4 cy'igikombe cy'Amahoro