Iyi kipe yo muri Sudan yari iwayo yasezerewe muri ½ na APR FC yo mu Rwanda none inabujije amahirwe Rayon Sports yaje itumiwe muri iri rushanwa habura icyumweru ngo ritangire dore ko n’abakinnyi bayo batagereyeyo rimwe.
Habura iminota icyenda gusa nibwo ikipe ya El Merreik Fasher yabonye igitego cyayihesheje intsinzi nyuma yo guhangana na Rayon Sports mu minota yose yabanjirije uwo baboneyeho igitego.
Ahanini benshi bavuga ko icyateye ugutsindwa kwa Rayon Sports ari ukubera umunaniro abakinnyi bafite dore ko bajyanye bake ndetse harimo n’abavunikiye muri iri rushanwa barimo n’inkingi za mwamba zayo.
Kuri ubu ikipe ya APR FC iri gukina umukino wa nyuma w’iri rushanwa hamwe na Vital’o yo mu Burundi, umukino utegerejwe n’abatari bake mu karere kose.
Andi makuru ni mu kanya
Elisée Mpirwa