Ibi yabigezeho kuri iki Cyumweru nyuma yo gutsinda Muhazi United ku munsi wa nyuma wa Rwanda Women Super League 2025/2026 igitego 1-0 cya Gikundiro Scholastique ku munota wa 62.
Gikundiro y’Abagore yari yaje muri uyu mukino isabwa kunganya gusa kugira ngo itware igikombe gusa birangira inatsinze.
Rayon Sports itwaye iki gikombe iyoboye n'Amanota 57 n'ibitego 63 izigamye, Police iyikurikira ifite amanota 54 ikaba izigamye ibitego 46.
Rayon Sports ibaye ikipe ya 2 itwaye ibikombe 3 bya Shampiyona yikurikinya kuva yazamuka mu cyiciro cya mbere muri 2023. Ni nyuma y'uko ikipe ya AS Kigali yo yatwaye ibikombe 10 yikurikiranya kuva muri 2008 kugeza muri 2018.
Ni kunshuro ya 2 Rayon Sports itwaye igikombe ifite Amanota 57, ubwo biheruka ni umwaka wa 2024/25 nabwo yatwaye igikombe ifite amanota 57. Usibye kuba yegukanye igikombe yanahawe igihembo cya Miliyoni 20 Frw. 
Perezida wa FERWAFA,Shema Fabrice ashyikiriza kapiteni wa Rayon Sports igikombe
Perezida wa FERWAFA na Perezida wa Rayon Sports basuhuzanya
Perezida wa Rayon Sports,Murenzi Abdallah yishimira igikombe
Rayon Sports WFC yegukanye igikombe cya shampiyona ku nshuro ya Gatatu yikurikiranya