Ku munsi w'ejo ni bwo i Dar es Salaam muri Tanzania hazabera tombola y’uko amakipe azahura mu majonjora y’ibanze ya CAF Champions League na CAF Confédération Cup ya 2025-2026.
Mbere y’uko iyi tombola ikorwa, impuzamashyirahamwe y’umupira ku mugabane wa Afurika, CAF, yashyize hanze urutonde rw’amakipe 70 ya mbere n’amanota yayo aho biri no mu bizagenderwaho hakorwa tombola.
Muri aya makipe ariko ntabwo harimo APR FC izahagararira u Rwanda muri CAF Champions League ndetse na Rayon Sports izahagararira u Rwanda muri CAF Confédération Cup. Impamvu ni uko nta nota na rimwe aya makipe afite.
Ikipe ya mbere kuri uru rutonde ni Al Ahly FC yo mu Misiri n’amanota 78 , iya kabiri ikaba Mamelodo Sudnowns n’amanota 62, Esperance Sportive de Tunis ikaba iya 3 n’amanota 57, RS Berkane ikaba iya 4 n’amanota 52 naho Simba SC ikaba iya 5 n’amanota 48.
Aya manota atangwa bitewe n’uko amakipe yitwaye muri CAF Champions League na CAF Confédération Cup mu myaka iheruka. 
Amakipe 75 ya mbere ku mugabane wa Afurika