Imibare mishya yerekana ko umwaka ushize wa 2025 wasize Afurika yakiriye abakerarugendo basaga miliyoni 80, aho igihugu cya Maroke cyaciye gahigo kaza ku mwanya wa mbere, kigakurikirwa n’u Misiri.
Muri aya mezi ya mbere y'uyu mwaka wa 2026 Afurika yongeye kuzamukaho 4% by'abakerarugendo, cyane cyane kubera koroshya uburyo bwo kubona Visa n'ingendo nshya z'indege zerekeza muri Afurika y'Amajyaruguru n'iyo munsi ya Sahara.
Urutonde rw'ibihugu 5 bya mbere byasuwe cyane muri Afurika n'imibare yabyo:
1. Morocco (Maroke): Yasuwe n'abarenga miliyoni 19.8 bayisuye
Maroke ni cyo gihugu cya mbere cyasuwe cyane muri Afurika, aho mu mpera za 2025 yageze kurugero rwo kwakira abakerarugendo barenga miliyoni 19.8. Umujyi wa Marrakech, amateka y’i Fez, n’inkombe za Mediterane ni byo bikurura benshi. Muri uyu mwaka wa 2026, Maroc iri mu bihugu bya mbere ku isi byinjije amadevise menshi mu bukerarugendo aho amafaranga yinjiza yazamutseho +24%.
2. Egypt (Misiri): Yasuwe n'abarenga miliyoni 19 bayisuye
Misiri ikurikira Maroke, aho mu mwaka ushize yakiriye abakerarugendo miliyoni 19. Aho ibijyanye no gufungura inzu ndangamurage nshya y’amateka (Grand Egyptian Museum) n’ingendo zo ku ruzi rwa Nile bir mu byatumye umuvuduko w’ubukerarugendo wiyongera cyane.
3. South Africa (Afurika y’Epfo): Yasuwe n'abarenga miliyoni 10.8 bayisuye
Afurika y’Epfo ifata umwanya wa gatatu, ikaba ari na yo iyoboye mu karere ka Afurika yo mu Majyepfo. Irimo ba mukerarugendo benshi bishimira gusura pariki zuzuyemo inyamaswa z’amoko yose (Safaris) n’umujyi wa Cape Town.
4. Tanzania: Yasuwe n'abarenga miliyoni 6 bayisuye
Tanzania ikomeje kuza imbere mu Karere k’Afurika y’Iburasirazuba. Pariki ya Serengeti, ikirwa cya Zanzibar n’umusozi wa Kilimanjaro biri mu byayifashije kubona amanota menshi mu gukurura abanyamahanga.
5. Côte d'Ivoire: Yasuwe n'abarenga miliyoni 4.5 bayisuye
Iki gihugu cyo muri Afurika y’Iburengerazuba cyaje ku mwanya wa gatanu, ahanini bikomoka ku bukerarugendo bw’ubucuruzi n’inama mpuzamahanga zibera mu mujyi wa Abidjan.
Kumwanya wa 11, hariho u Rwanda rwasuwe n'abarenga miliyoni 1.48
Mu gihe ibihugu nka Kenya, Nigeria na Tunisia bikurikiraho u Rwanda rwo ruza ku mwanya wa 11 muri Afurika, aho rwakuruye ba mukerarugendo benshi benshi ukurikije uko rungana. Raporo z'Ubukerarugendo zerekana ko u Rwanda rwakiriye abakerarugendo miliyoni 1.48, bikaba byarinjije amadevise menshi asaga miliyoni $579.5.
Ubu bukungu n’izamuka kandi bikomeje gushimangirwa n'ubukerarugendo bushingiye ku nama (MICE), isura y'ingagi zo mu birunga, ndetse n’uburyo bwiza u Rwanda rwashyizeho bwo guha abanyamahanga bose Visa bakigera ku kibuga cy’indege (Visa on Arrival).
Gusa umutekano muke ku Isi uri kuza imbere nk'imbogamizi:
Umuyobozi Mukuru wa UN Tourism, Shaikha Al Nuwais, yavuze ko nubwo ubukerarugendo bwa Afurika buhagaze neza, intambara n’amakimbirane mu Burasirazuba bwo hagati(Middle East) bishobora kugabanya umuvuduko w'ingendo ku isi muri iyi mpeshyi kubera izamuka ry'ibitoro bishobora kongera ibiciro by’amatike y'indege.