Ku munsi w'ejo ni bwo kuri Turf Moor ikipe ya Burnley yari yakiriye Manchester City mu mukino w’ikirarane. Ni umukino warangiye Manchester City itozwa na Pep Guardiola itsinze 1-0 cya Erling Haaland ku munota wa 5.
Iyi kipe yahise ifata umwanya wa mbere n’amanota 70 inganya na Arsenal gusa ikaba iyirusha ibitego yatsinze.
Arsenal yari imaze iminsi 200 iri ku mwanya wa mbere gusa mu gihe habura imikino itanu ngo shampiyona irangire yahise iwamburwa.
Usibye kuba Manchester City yafashe umwanya wa mbere, yanamanuye Burnley mu cyiciro cya kabiri. Iyi kipe yahise ikomeza kuba ku mwanya wa 19 aho ifite amanota 20.
Yahise iba ikipe ya kabiri imanutse mu cyiciro cya kabiri muri Premier y’uyu mwaka nyuma ya Wolverhampton Wanderers. Burnley yari yazamutse mu cyiciro cya mbere mu mwaka ushize w’imikino.
Erling Haaland yafashije Manchester City gukura Arsenal ku mwanya wa mbere no kumanura Burnley