Kuri uyu wa Kabiri nibwo ikipe ya Singida Black Stars ibifashijwemo na Anthony Trabi yatsinze KMC igitego 1-0 muri shampiyona ya Tanzania.
Nyuma y’uyu mukino iyi kipe yashyikirijwe igihembo cya Perezida wa Tanzania, Dr.Samia Sulubu Hassan cyo kuba yaratsinze Rayon Sports igitego 1-0 mu mukino ubanza w’ijonjora ry’ibanze rya CAF Confederation Cup ya 2025 wakinwe ku wa Gatandatu kuri Kigali Pele Stadium.
Yahawe amafaranga angana na 2,936,105 Frw ikaba yayashyikirijwe n’Umuvugizi wa Guverinoma ya Tanzania, Bwana Gerson Msingwa.
Perezida wa Tanzania asanzwe azwiho guha agahimbazamushyi amakipe ahagarariye igihugu ayoboye mu mikino Nyafurika.
Ibi byabaye mu gihe ku wa Gatandatu aribwo Singida Black Stars FC izakira Rayon Sports mu mukino wo kwishyura w’ijonjora ry’ibanze rya CAF Confederation Cup ya 2025.
Perezida wa Tanzania yahaye Singida arenga Miliyoni 2 Frw kubera gutsinda Rayon Sports