Ibi yabivuze nyuma
y’amakimbirane aherutse kuvuka hagati ya Ronaldo n’umutoza w’ikipe y’igihugu ya
Portugal, Jorge Jesus, amakimbirane yatumye uyu mukinnyi ava mu mwiherero
w’ikipe mbere y’umukino na Denmark.
Mu kiganiro yagiranye
n’abanyamakuru ku Cyumweru, Proença yashimangiye ko Ronaldo agifite umwanya
ukomeye mu ikipe y’igihugu, kandi ko kuba akomeza kuyikinira bifite ishingiro
bitewe n’ubushobozi bwe budasanzwe.
Ati: “Cristiano Ronaldo
ni umukinnyi ukomeye kurusha abandi mu mateka. Yamaze imyaka irenga 20
ahagarariye umupira w’amaguru wa Portugal kandi ni ishusho ikomeye y’igihugu.”
Yakomeje avuga ko igihe
cyose Ronaldo azaba ameze neza kandi yiteguye gukina, azakomeza guhabwa umwanya
mu ikipe y’igihugu.
Proença yavuze ko ibibazo biri hagati ya Ronaldo n’umutoza Jorge Jesus ari ubwumvikane buke bushobora gukemuka, ashimangira ko Ronaldo yari akiri kapiteni w’ikipe mu mukino wabanje muri iyi mikino mpuzamahanga.
Perezida wa PFF kandi
yagarutse ku rukundo Ronaldo afitiye ikipe y’igihugu, avuga ko uyu mukinnyi
yari afite amahirwe yo gusezera ku mupira w’amaguru mpuzamahanga ku rwego rwo
hejuru.
Ati: “Cristiano Ronaldo
ni ikimenyabose muri Portugal kandi ni umukinnyi udasanzwe. Yashoboraga
kurangiriza umwuga we ku Gikombe cy’Isi, ariko ntiyabikoze kubera urukundo
afitiye ikipe y’igihugu.”
Proença yongeyeho ko azi
neza umubano ukomeye Ronaldo afitanye n’Abanya-Portugal ndetse n’ikipe
y’igihugu.
Nyuma y’uko imikino ine
ya Nations League muri iki cyiciro irangiye, Proença yavuze ko abayobozi ba
federasiyo bazicara hamwe mu ituze, bagashaka uko bakemura ikibazo kiri hagati
ya Ronaldo na Jorge Jesus.
Intego ya PFF ni
ugukomeza kugira Ronaldo nk’umwe mu bakinnyi b’ingenzi Portugal izashingiraho
mu bihe biri imbere.