Ibi Perezida Kagame yabigarutseho kuri uyu wa Gatatu
tariki ya 21 Ukwakira 2026 muri BK Arena muri gahunda ya Youth Meet The President’ aho yaganiriye n’urubyiruko rw'abarenga ibihumbi 10.
Muri uru rubyiruko harimo uwagejeje ku Mukuru
w’igihugu ikibazo cy’uko interineti ihenze mu Rwanda.
Perezida Kagame atebya yavuze ko we interineti yahenda
itahenda ayikoresha gusa aha umwananya Minisitiri w’Ikoranabuhanga na
Inovasiyo, Paula Ingabire kugira ngo abisobanure.
Ati:”Naho iby’ibiciro bya interineti byahenda
bidahenda bitahenda njyewe ngomba kubikoresha. Ariko ngere ku bandi batari
njyewe ni nabyo byangombwa. Ibyo ababishinzwe badufasha,ikibazo ni iki? Niba
hari imbaraga zakongerwamo”.
Minisitiri w’Ikoranabuhanga na Inovasiyo, Paula
Ingabire asobanura impamvu interineti iri kugenda ihenda yagize ati:”Ikigenda
kigaragara nuko ibigo bishinzwe gutanga interineti nubwo aatari byose,bimwe
byagiye byiyongera ku mpamvu zitandukanye, iya mbere ni impinduka tugenda
tubona tuva kuri 2G na 3G kugira ngo dukoreshe interineti yihuta ya 4G ,uko
rero yihuta ifite n’ubushobozi buri hejuru ni nako ihenda kubera ishoramari
riba ryagiyemo”.
Perezida Kagame yavuze ko ari uguhora bahangana nabyo.
Ati:”Ni ibyo ni uguhora duhangana nabyo. Uzi ubundi buryo bwo guhangana nabyo
ariko natwe ni ukugerageza tugakora uko dushoboye tukazamura ubushobozi bwacu
ku buryo noneho bijyana byose”.
Perezida Kagame yasabye urubyiruko gukora uko rushoboye rukuzamura ubushobozi kugira ngo bijyanye n’igiciro cya Interineti
