Kuri uyu wa Gatandatu tariki ya 30 Gicurasi 2026 ni bwo hakinwe umukino wa nyuma wa UEFA Champions League ya 2025/2026 wahuje Arsenal na Paris Saint-Germain kuri Puskas Arena i Budapest muri Hungary.
Byarangiye PSG itwaye igikombe itsinze penariti 4 kuri 3. Iki ni igikombe cya kabiri cya Champions League iyi kipe yamamaza Visit Rwanda yegukanye yikurikiranya.
Perezida Kagame abinyujije kuri X yashimiye iyi kipe yo mu Bufaransa. Ati: ”Turashimira umufatanyabikorwa wacu wa Visit Rwanda Paris Saint-Germain ku gikombe yari ikwiye cya UEFA Champions League no kuba bacyegukanye ku mshuro ya kabiri yikurikiranya.”
Yanashimiye Arsenal agira ati: ”Turashimira kandi Arsenal kuba yarageze ku mukino wa nyuma kandi ikaba yahanganye kugeza ku musozo.”
Umukuru w’igihugu yavuze ko amakipe yombi yahesheje ishema abafana bayo, ariko iri joro PSG yagaragaje ko ari ikipe nziza kurushaho.
Perezida Kagame yashimiye PSG yegukanye UEFA Champions League
