Kuri uyu wa Gatatu saa Tatu z’ijoro kuri Red Bull Arena muri Austria habereye umukino wa Super Cup 2026 wahuje PSG yo mu Bufaransa yegukanye igikombe cya UEFA Champions League na Aston Villa yo muri Bwongereza yegukanye igikombe cya Europa League ya 2026.
Ni umukino warangiye PSG itsinze ibitego 2 bya Kvicha Kvaratskhelia na Desire Doue kuri 1 cya Aston Villa cyo cyatsinzwe na Brian Madjo.
Uyu mukino wasifuwe na wa musifuzi w’Umunya-Somalia, Omar Arthan wangiwe gusifura igikombe cy’Isi ndetse akaba aheruka no mu Rwanda gusifura umukino wa nyuma CECAFA Kagame Cup 2026 Rayon Sports yatsinzemo Gor Mahia 2-1.
Uyu mukino kandi wanakurikiwe na Perezida wa Repubulika y’u Rwanda, Paul Kagame, kuri Stade. Aya makipe yombi yahuriye kuri uyu mukino asanzwe yamamaza Visit Rwanda. PSG iyamamaza kuva muri 2019 mu gihe Aston Villa yo ari ukuva muri uyu mwaka w’imikino aho yasimbuye Arsenal.
Perezida Kagame akurikira umukino PSG yatsinzemo Aston Villa
Perezida Kagame aganira n'abarimo Perezida wa CAF, Dr Patrice Motsepe