Ejo ku wa Gatatu ni bwo hakomeje imikino ibanza ya 1/8 cy’irushanwa rihuza amakipe yabaye aya mbere iwayo ku mugabane w’Iburayi rya UEFA Champions League.
Kuri Parc des Princes ikipe ya Paris Saint-Germain yo mu Bufaransa yari yakiriye Chelsea yo mu Bwongereza.
PSG ibifashijwemo na Bradley Barcola watsinze igitego cya mbere ku munota wa 10, Ousmane Dembélé watsinze igitego cya kabiri ku munota wa 40, Vitinha watsinze icya Gatatu ku munota wa 74 na Kvaratskhelia watsinze bibiri wenyine, yanyagiye Chelsea ibitego 5-2.
Ibitego bya Chelsea byo byatsinzwe na Malio Gusto ku munota wa 28 na Enzo Fernandez ku munota wa 57. Uyu mukino wari uryoheye ijisho wakurikiwe na Perezifa Kagame kuri Parc des Princes.
Ku wa Kabiri ni bwo Umukuru w’Igihugu yitabiriye inama mpuzamahanga yiga ku ikoreshwa ry’ingufu za 'nucléaire' mu bikorwa bigamije iterambere mu rwego rwa gisivili, yahuje abakuru b’ibihugu na za guverinoma n’abahanga mu bijyanye n’izi ngufu ibera mu Bufaransa.
Kuva muri 2019 nibwo u Rwanda rwasinyanye amasezerano y’ubufatanye na Paris Saint Germain aho ijambo Visit Rwanda rigaragara ku mwambaro w’iyi kipe mu myitozo, n’uwo yambara mbere y’imikino no ku kibuga Parc des Princes n’ibindi. Aya masezerano aheruka kongerwa kuzageza muri 2028.
Perezida Kagame yakurikiye umukino PSG yatsinzemo Chelsea muri Champions League
Visit Rwanda muri Parc des Princes