Uyu mukino wa karindwi mu ya nyuma ya NBA wakinwe kuri mu rukerera rwo kuri uyu wa Mbere tariki ya 23 Kamena 2025. Muri uyu mukino mu gice cya mbere, ikipe ya Indiana Pacers niyo yitwaye neza dore ko cyarangiye ariyo iri imbere n'amanota 48 kuri 47.
Mu gace ka Gatatu niho ikipe ya Oklahoma City Thunder yaje gukorera ikinyuranyo kuko yinjiyemo amanota 34 kuri 20 ubundi ihita ishyiramo ikinyuranyo cy'amanota 13.
Mu gace ka kane nabwo iyi kipe yitwaye neza bituma ihita yegukana uyu mukino ku manota 103 kuri 91 ya Indiana Pacers ubundi inegukana igikombe.
Shai Gilgeous-Alexander ukiniraOklahoma City Thunder yitwaye neza muri uyu mukino aho yakoze amanota 29 ndetse akanatanga assists 12. Ni nawe wabaye umukinnyi mwiza w'imikino ya nyuma ya kamparamaka ya NBA nyuma y'uko yari yabaye umukinnyi mwiza muri shampiyona isanzwe.
Uyu mukinnyi w'imyaka 26 ukomoka muri Canada yahise aba umukinnyi wa mbere wegukanye igihembo cy'umukinnyi mwiza mu mikino ya nyuma ya kamparamaka ndetse akaba n'umukinnyi mwiza muri shampiyona isanzwe nyuma ya LeBron James wari warabikoze muri 2012/13.
Shai Gilgeous-Alexander yavuze ko ikipe ye yari yarabikoreye ndetse ko yari ibikwiye kwegukana igikombe cya NBA. Ni igikombe cya mbere Oklahoma City Thunder yegukanye kuva muri 2008 yakwimuka ikava Seattle ikajya Oklahoma City .
Oklahoma City Thunder yegukanye NBA
