Noel w'imyaka 27 y'amavuko agarutse gukinira mu Rwanda nyuma yo kwigaragaza mu ikipe ya APR BBC, aho yafashije iyi kipe kwegukana umwanya wa gatatu muri Basketball Africa League (BAL) 2025 yabereye i Pretoria muri Afurika y'Epfo.
Uyu mukinnyi yari no mu bakinnyi APR yakoresheje muri BAL 2024, ariko urugendo rwe ntirwarangiye neza kuko yagize imvune mu mikino ya Sahara Conference yabereye i Dakar muri Sénégal, bituma adafasha ikipe ye mu mikino ya nyuma yabereye i Kigali.
Kwinjira kwa Noel muri Patriots bije mu gihe iyi kipe yitegura imikino ya kamarampaka izatangira ku wa 5 Kanama ikageza ku wa 28 Kanama 2026.
Patriots izacakirana na REG mu mikino ya ½ aho amakipe aba atanguranwa kubona intsinzi eshatu.Ikipe izatsinda izahura n'izava hagati ya APR BBC na RSSB Tigers ku mikino ya nyuma uzakinwa mu buryo bwa Best-of-Seven, aho igikombe kizegukanwa n'izabanza gutsinda imikino ine.
Obadiah Noel wahoze akinira APR yagarutse mu Rwanda yerekeza muri Patriots mbere y’imikino ya kamarampaka ya Shampiyona