Uyu mukobwa, mu 2020 yageragije
amahirwe ahatanira ikamba, abasha kugera mu bakobwa 10 bavuyemo Miss Nishimwe
Naomie wegukanye ikamba rya Miss Rwanda 2020.
Ingabire Gaudence avuka mu muryango w’abana
batanu, ni uwa Gatatu. Mu 2021 ntiyigeze agerageza andi mahirwe muri Miss
Rwanda. Ikamba ryegukanwe na Ingabire Grace wari uhagarariye Umujyi wa Kigali.
Ku wa Gatandatu tariki 12 Gashyantare
2022 mu ijonjora ryabereye kuri Hill Top Hotel, uyu mukobwa ni umwe mu 117
baciye imbere y’akanama nkemurampaka kari kagizwe na Miss Mutesi Jolly, James
Munyaneza na Evelyne Umurerwa.
Umushinga we ni uguteza imbere uburerarugendo.
Aho avuga ko azafatanya n’Ikigo cy’Igihugu Gishinzwe Iterambere, RBD mu
bukangurambaga.
No mu 2020 ubwo yiyamamarizaga ikamba
rya Miss Rwanda yatanze uyu mushinga wo guteza imbere ubukerarugendo bw’imbere
mu gihugu.
Uyu mukobwa yiyamamarije muri Kigali
afite ninero 8. Muri 2020 ubwo yashakishaga ikamba rya Miss Rwanda yari yambaye
No 23 mu ijonjora rya mbere, atsinze ‘Preselection’ yambara No 8.
Ingabire asangiye amaraso na Sonia Rolland, umunyarwandakazi wabaye Nyampinga w’u Bufaransa mu 2020.
Nyina wa Uwitonze
Sonia Rolland ari we Landrada Rolland ni mushiki wa Sakumi sekuru wa Ingabire
Gaudence. Sakumi yabyaye Emmanuel Rutsinga nawe abyara Ingabire Gaudence.
Uyu mukobwa kandi afitanye isano ya
hafi cyane na Kanyombya (Kayitankore Ndjoli) umunyarwenya akaba n’umukinnyi wa
filime uri mu bakomeye mu Rwanda. Se wa Ingabire Gaudence ni murumuna wa
Kanyombya kuri se na nyina ibisobanuye ko Kanyombya ari Sewabo wa Ingabire
Gaudence.
Mu ijonjora ryo gushaka abajya mu
mwiherero, Kanyombya yari ashyigikiye Ingabire Gaudence ndetse yari kuri Expo
Ground ahabereye ibirori byo guhitamo aba bakobwa.
Uyu mukobwa muri Miss Rwanda 2022
yabashije kugarukira mu bakobwa 10 bavuye Miss Rwanda.
Abakobwa 29 bahagarariye Umujyi wa
Kigali ni Ruzindana Kellia [No 69], Isimbi Habibah [No 10], Dushime Thiéra
Ingrése Clara [No 68], Kundwa Blandine Dusabemungu [No 108], Uwimana Marlène
[No 66], Mizero Parfine [No 115], Gatesi Renita [62], Bahenda Umurerwa Arlette
Amanda [No 111], Mugiraneza Bénitha [No 55] na Uwikuzo Marie Magnificat [No
97].
Hari kandi Umutoniwase Fredda [No
47], Mutabazi Isingizwe Sabine [No 31], Amanda Saro [No 38], Utuje Nice Kellia
[No 84], Kayumba Darina [No 36], Uwimanzi Vanessa [No 81], Gaudence Ingabire
Pamela [No 08], Sandrine Byiringiro [No 72], Ishimwe Stacy Agray [No 09],
Bahali Ruth [No 78], Isaro Marie Reine Kellia [No 19], Uwagaga Aslah [No 73] na
Havugimana Iradukunda Christan [No 35].
Umutesiwase Raudwa [No 21], Uwase
Rugamba Gloria [No 25], Munganyinka Jessica [No 80], Kalila Leila Franca [No
32], Urusaro Kabagamba Lisa [No 23] na Ineza Keïssa [No 24]. 
Ingabire yari yambaye No 8 muri
Miss Rwanda 2020 no muri Miss Rwanda 2022 yambaye No 8 ahagarariye Kigali
Ingabire yabashije kuboneka mu bakobwa bavuyemo Miss Rwanda 2020
Sonia Rolland yabaye Nyampinga w'u Bufaransa mu 2000