Nje kurangiza akazi katarangiye - Stephen Constantine nyuma yo kugaruka mu Amavubi

Kuri uyu wa Mbere ku cyicaro cy’ishyirahamwe ry’umupira w’amaguru mu Rwanda, FERWAFA, habereye ikiganiro n’itangazamakuru kigaruka ku birebana n’umutoza mushya w’Amavubi, Stephen Constantine, n’irushanwa rya FIFA Series 2026 u Rwanda ruzakira mu minsi iri imbere!

Perezida wa FERWAFA, Shema Fabrice ku bijanye n’umutoza yavuze ko ku nshuro ya mbere bahisemo abatoza 20 mu batoza 668 bari batanze ubusabe bwabo. 

Aya mahitamo bayakora bagendeye ku kuba umutoza yarakoze amateka yo kwinjiza ikipe y’igihugu mu gikombe cy’umugane, umutoza ushobora gutuma ikipe izamuka ku mwanya wa FIFA no kuba ashobora kuba aboneka ako kanya nta zindi mbogamizi.

Shema Fabrice yavuze ko ikindi cyarebweho ari umushahara we. Yavuze ko muri aba batoza 20 bakoreshejwe ‘interview’, bakuramo batanu nabo bakuramo batatu kugeza bageze kuri Stephen Constantine.

Perezida wa FERWAFA yavuze ko baganira bwa mbere icyo uyu mutoza yamubwiye ko agifite akazi atararangiza gukora mu mupira w'amaguru mu Rwanda. Ati: "Ndacyafite akazi ntararangiza gukora".

Stephen Constantine nawe mu magambo ye yavuze ko afite akazi atararangiza ndetse ko yishimira kuba agarutse mu Rwanda kuko yahagiriye ibihe byiza.

Uyu mutoza yaherukaga mu Rwanda muri 2015 aho yafashije Amavubi kugera ku mwanya mwiza ku rutonde rwa FIFA, muri 2015 u Rwanda rwari ku mwanya wa 64.

Stephen Constantine yiyemeje gusoza akazi atosoje ubwo aheruka mu Rwanda muri 2015