Kuri uyu wa Gatandatu hatangiye gukinwa Shampiyona y’Igihugu y’Amagare aho hakinwe isiganwa ryo gusiganwa n’igihe buri mukinnyi ku giti cye (Individual Time Trial) ryabereye mu muhanda wa Batsinda – Ku Idigiri – Batsinda.
Niyonkuru Samuel wa Team Amani, yegukanye Shampiyona y’Igihugu y’Amagare muri ITT y’Abagabo nyuma yo gukoresha iminota 50 n’amasegonda 11 ku ntera y’ibilometero 41.
Yakurikiwe na Muhoza Eric bakinana, amusize amasegonda 29 naho Nshutiraguma Kevin wa Cine Elmay aba uwa gatatu.
Mu bagore basiganwe ibilometero 30,Mwamikazi Djazilla wa Centre ya UCI yabaye uwa mbere akoresheje iminota 41 n’amasegonda 23 .
Yakurikiwe na Nirere Xaverine wa Team Amani naho Ntakirutimana Martha Black Mamba aba uwa gatatu.
Mu ngimbi zakoze intera y’ibilometero 30, hatsinze Byusa Pacifique wa Les Amis Sportifs wakoresheje iminota 40 n’amasegonda 54, akurikirwa na Mugabo Jules wa Zipp Cycling Team na Ganza Prince Ferguson wa Kayonza Young Stars.
Mu bangavu bakoze ibilometero 21, Kanyange Zawadi wa Bugesera Cycling Team, yegukanye Shampiyona y'uyu mwaka akoresheje iminota 33 n’amasegonda 19.
Mu bangavu bakoze ibilometero 21, Kanyange Zawadi wa Bugesera Cycling Team, yegukanye Shampiyona y'uyu mwaka akoresheje iminota 33 n’amasegonda 19.
Yakurikiwe na Akimana Donatha wa Ngarama Sports Academy na Masengesho Yvonne (Black Mamba DT).
Ejo Ku Cyumweru tariki ya 28 Kamena 2026, hazakinwa isiganwa ryo mu muhanda (Road Race) rizatangira saa tatu za mu gitondo. Mu cyiciro cy’abagabo n’abatarengeje imyaka 23, abakinnyi bazahagurukira muri Santere ya Batsinda banyure i Shyorongi, Base, Gicumbi, Rukomo na Nyacyonga mbere yo kugaruka i Batsinda, ku ntera y’ibilometero 158.
Mwamikazi Jazilla yegukanye Shampiyona y’Igihugu y’Amagare muri ‘ITT’ mu bagore
