Iyi
filime ifite igihe kingana n’iminota 51, yanditswe ndetse inayoborwa na
Rollande Sonia, mu gihe amashusho yayo yatunganyijwe na Niyomugabo Philemon.
“Red Scarf” igaruka ku nkuru y’abashakanye bakimara kubaka urugo rwabo, bafite ibyiringiro n’inzozi zo kubaho ubuzima bwiza.
Nk’uko bisanzwe mu ntangiriro
z’urukundo, bagaragara bafite ibyishimo n’urukundo rwinshi. Gusa uko iminsi
igenda ishira, urwo rukundo rutangira kujyamo agatotsi.
Impamvu nyamukuru y’iri hungabana si ibibazo bisanzwe by’ubukungu cyangwa kutumvikana, ahubwo ni imyizerere y’umwe muri bo ku bijyanye n’imyuka mibi.
Uyu umwe aba
yarakuye iyi myemerere iwabo, aho bizera ko hari imbaraga zitagaragara zifasha
kurinda urugo no gutuma rukomera.
Iyi
myizerere itangira kwinjira mu buzima bw’aba bombi, igenda ihindura uko
babonaga urukundo n’imibanire yabo. Ibitari bisanzwe bitangira kugaragara,
bikagira ingaruka ku cyizere hagati yabo, bigatuma umwe atangira gushidikanya
ku wundi, ndetse urukundo rukendera.
Iyi
filime igaragaramo isomo rikomeye ku muryango, by’umwihariko ku bashakanye.
Yerekana uko imyizerere ishobora kugira uruhare runini mu mibereho y’abantu, haba
mu buryo bwiza cyangwa bubi.
“Red
Scarf” itanga ubutumwa bwo kwitondera imyemerere ishobora gusenya aho kubaka,
igasaba abantu gushyira imbere ibiganiro, ukwizerana no kumvikana aho kwemera
ibintu byose biturutse mu mico cyangwa mu miryango bakomokamo.
