Niyigena Clement wari watangajwe n’umutoza wa Al Hilal yagumye muri APR FC

Ejo ubwo umutoza wa Al Hilal SC, Laurențiu Reghecampf, yari mu kiganiro n’itangazamakuru gitegura umukino wo ku munsi wa 4 wo mu itsinda C rya CAF Champions League bafitanye na Mamelodi Sundowns kuri Gatanu muri Stade Amahoro, yavuze ko Niyigena Clement yamaze gusinyira Al Hilal SC.

Yavuze ko bizeye ko azagira icyo abafasha ariko ko ibyo bizajyana n’uko azisanga mu ikipe. Nyuma yo gutangaza ibi hahise hatangira kuvugwa ko yabivuze ibiganiro bitararangira hagati ya APR FC na Al Hilal. 

Kuri ubu Niyigena Clement yemeye kuguma muri iyi kipe y’Ingabo z’igihugu ndetse akaba yakongera amasezerano.

Bivugwa ko Al Hilal yari yemeye kwishyura APR FC Miliyini 120 Frw ku masezerano y’amezi atandatu, naho umukinnyi we agahabwa arenga Miliyoni 100 Frw n’umushahara w’arenga Miliyoni 8 Frw.

Niyigena Clement yemeye kuguma muri APR FC