Mu kiganiro yagiranye na InyaRwanda, Tontonchris yavuze ko yaje mu Rwanda kuhakorera indirimbo ze ebyiri nshya, kuko
yumvaga ashaka gusubira kuri gakondo ye, no kugaruka ku ntangiriro z’urugendo
rwe.
Yagize ati “Kuba naraje hano mu Rwanda
kuhakorera indirimbo, nashakaga kugira ibintu bifite igisobanuro nyine, mbese
aho ibintu byose byatangiriye. Ni nko kugaruka ku ivuko bundi bushya.
Niyumvagamo izo mbaraga n’ubushobozi, ku buryo gusubira iwacu, nagombaga
gutangirira aho. Mbese ni nko gufungura Paji nshya."
Ku bijyanye n’abahanzi yahisemo gukorana
nabo, Tonton Chris yavuze ko ari amahirwe kuba ari kumwe na Amalon na Ariel
Wayz.
Ati "Kandi nagize amahirwe, yaba ari
Ariel Wayz na Amalon baranyakira. Duhuza ibyacu by’ahahise, duhuza n’ibigezweho
ubu, kandi urumva ko ari ibintu byatanze umusaruro."
Yasobanuye ko nubwo yamaze imyaka myinshi
abarizwa muri Canada, yakunze gukurikirana cyane umuziki w’abanyarwanda,
bikamuha ubushake bwo gukorana na Amalon na Ariel Wayz, kuko ari abahanzi
bagezweho kandi bakundwa cyane.
Indirimbo Tontonchris yakoranye na Amalon
yitwa “Kiberinka”, mu gihe indirimbo yakoranye na Ariel Wayz yitwa “Look
Around”. Izi ndirimbo zombi, nk’uko umuhanzi abivuga, zihuza ku ngingo
y’urukundo.
Yasobanuye ko izi ndirimbo zishushanya
urugendo rwo kwisobanukirwa urukundo no gusaba amahirwe ya kabiri mu rukundo,
maze agasoreza ko iyi ari paji nshya mu muziki we, ayitangirira ku rukundo.
Ati "Navuga ko zose zihuriye ku ngingo
y’urukundo. Nko kwisobanukirwa, gusaba andi mahirwe ya kabiri mu rukundo mu
rukundo. Navuga ko rero paji yanjye nshya mu muziki nifuzaga kuyitangirira ku
rukundo."
Tontonchris agaragaza ko gusubira mu
Rwanda no gukorana n’abahanzi bagezweho ari intambwe ikomeye mu rugendo rwe
rushya mu muziki, ashyira imbere guhuzwa n’umuco n’amateka ye.
Tontonchris wamamaye muri Cool Family
yatangaje ko yagarutse mu Rwanda, kuhakorera indirimbo ze, akorana na Ariel
Wayz na Amalon, ashaka kugaruka ku ivuko rye no gutangiza paji nshya mu muziki
Indirimbo nshya zishingiye ku rukundo – Tontonchris avuga ko indirimbo ze “Kiberinka” na “Look Around”
KANDA HANO UREBE IKIGANIRO CYIHARIYE TWAGIRANYE NA TONTONCHRIS
KANDA HANO UREBE INDIRIMBO 'LOOK AROUND' TONTONCHRIS YAKORANYE NA AMALON
KANDA HANO UBASHE KUREBA INDIRIMBO 'KIBERINKA' TONTONCHRIS YAKORANYE NA AMALON