Nifuza ko twagira icyo dukora – Kizz Daniel yasabye The Ben ko bakorana indirimbo

Ibi The Ben yabihishuye ubwo yari mu kiganiro n’abanyamakuru kigamije gutangaza gahunda z’iserukiramuco rya ‘Music in Space’ rizabera Camp Kigali ku wa 23/08/2025.

Ubwo yari abajijwe niba ahura na Kizz Daniel nta biganiro biganisha ku mikoranire baba baragiranye, The Ben yeretse Luck Nzeyimana telephone ye irimo ubutumwa bugufi Kizz Daniel yandikiye The Ben amubwira ko akunda umuziki we kandi ko yifuza ko hagira icyo bakorana.

Ubwo butumwa bugira buti “Nkunda ibyo ukora nifuza kugira ikintu nkorana nawe.”

Nyuma y’uko Lucky avuze uko ubwo butumwa buvuga, The Ben yavuze ko ibyiza biri imbere kandi ko azishimira gukorana nawe dore ko ku wa kabiri badikiranye bagahana na nimero zo kuri WhatsApp.

Yagize ati “Yanyandikiye umusibo ejo, duhana nimero za WhatsApp. Ni ikimenyabose kandi nzishimira gukorana nawe. Ibyiza biracyaza.”

Ubwo yataramiraga muri BK Arena mu birori byo gusoza Giants of Africa, Kizz Daniel yatahanye umutima wishimye, ucyeye nyuma yo kwemeza abanya-Kigali ndetse no kubona urukundo ruhambaye yakiranywe.

Kimwe mu biza nk’inyungu ku bahanzi bataramira mu bitaramo mpuzamahanga, ni uko bahura na bagenzi babo, bakamenya, bakaganira ndetse bakaba banakorana imishinga myinshi itandukanye nk’uko Giants of Africa ishobora kuba ikiraro cyo guhuza imikorere ya Kizz Daniel na The Ben.

The Ben ni umwe mu bahanzi baririmbye mu gusoza Giants of Africa

Kizz Daniel wanyuzwe n'urukundo yaboneye i Kigali, yavuze ko azishimira kugira icyo akorana na The Ben

Reba uburyo Kizz Daniel yakiriwe ku rubyiniro rwa Giants of Africa

Reba amasusho y'amateka The Ben yandikiye muri BK Arena