Ni ituro nahaye Imana - Yvan Muziki ku ndirimbo 'Wahisemo neza' yamamaye yavuguruye- VIDEO

Iyi ndirimbo yasohotse kuri uyu wa Gatatu tariki 3 Nzeri 2025, izwi cyane muri Kiliziya Gatolika kuko amagambo yayo y’ukwemera akora ku mutima, bituma ihinduka umurage w’abakirisitu benshi.

Mu kiganiro yagiranye na InyaRwanda, Yvan Muziki yagize ati: “Ni indirimbo nakoze nifuje gutura Imana muri ibi bihe byose nari maze iminsi ndi kubamo, kuko twaciye mu bihe bikomeye bitandukanye. Kuri njye rero iyi ndirimbo ni ituro nahaye Imana, ndetse n’abantu bose bifuza kuyumva bundi bushya. Abafite ibibazo bajya bibuka ko hari Imana iruhande rwabo izahora ibarwanirira.”

Yvan Muziki yavuze ko iyi ndirimbo isohotse mu gihe ari mu myiteguro ya Album nshya ateganya gushyira hanze muri uyu mwaka. Ati: “Nagarutse i Kigali, ubundi gahunda mfite harimo no gukora kuri Album uretse ko iri kugana ku musozo. Hari byinshi byinshi mbahishiye, munyitegure cyane."

Indirimbo “Wahisemo neza” irata guhitamo gukurikira Kristu nk’inzira nziza kurusha izindi. Ifite injyana yorohereza amakorali n’abakirisitu bose kuyifatanya, kandi ikunze gucurangwa mu masakaramentu nka Batisimu, Gukomezwa, Gusezerana mu bukwe ndetse no mu Misa zisanzwe.

Amagambo yayo akangurira abakirisitu gukomeza inzira bahisemo yo gukurikira Imana, ntibacogore, ari na yo mpamvu ikomeje gufatwa nk’indirimbo itanga imbaraga mu buzima bwa buri munsi.

Yvan Muziki yatangaje ko yagarutse i Kigali mu bikorwa byagutse by’umuziki we

Yvan Muziki yavuze ko yasohoye iyi ndirimbo kubera ishimwe afite ku Mana 

Yvan yasobanuye ko hari ibyinshi yanyuzemo byo gushimira Imana

KANDA HANO UREBE INDIRIMBO ‘WAHISEMO NEZA’ YA YVAN MUZIKI