Ni igitekerezo cya Prince Kiiiz: Bull Dogg yasobanuye byinshi ku ndirimbo yakoranye na Juno Kizigenza-VIDEO

Bull Dogg witegura gushyira hanze Album iri mu mujyo wo kwizihiza imyaka isaga 15 amaze mu muziki mbere yaho gato yabanje gushyira hanze indirimbo yakoranye na Juno Kizigenza.

Mu kiganiro na InyaRwanda yatangiye asobanura inkuru y’iyi ndirimbo yise ‘Puta’.

Ati "Ntabwo ari ukuvuga ngo ni runaka, ni inkuru y’indirimbo twatekereje ko twayihuza gutyo."

Asobanura ariko ko hari aho bihuriye n’ubuzima busanzwe.

Ati "Ni ibintu bishobora kuba biri mu buzima busanzwe bw’abantu bamwe hano, duhita tubihuza gutyo nyine."

Yongeraho ati "Ubutumwa burimo twavuze ku bakobwa runaka bibereyeho mu buryo runaka."

Agaruka ku kongera guhurira mu ndirimbo na Juno Kizigenza umusore ukiri muto mu myaka ariko umaze kugwiza ibigwi mu muziki.

Ati "Juno Kizigenza asanzwe ari umuntu w’inshuti yanjye kuko si indirimbo ya mbere dukoranye si n'iya kabiri, tumaze gukorana indirimbo nyinshi."

Agaruka ku buryo kuri iyi nshuro byagenze ngo yisanze ari gukorana na Juno Kizigenza.

Ati "Hagati aho rero igitekerezo cy’indirimbo cyazanwe na Producer Prince Kizz, tumaze kuririmbamo dutekereza ko twashaka umuntu wadufasha."

Agaragaza ko bahise batekereza kuri Juno Kizigenza na we abyakira neza

Ati "Dutekereza kuri Juno kuko ni umuririmbyi mwiza muri iki gihe kandi n’inshuti yanjye."

Agaruka ku nkumi igezweho mu bagaragara mu ndirimbo bazwi nkaba-video vixen.Uyu mukobwa witwa Teta Kumba warushijeho guha igisobanura indirimbo ‘Puta’ mu buryo bw’amashusho.

Bull Dogg yavuze ko yarasanzwe amuzi bajya gukora ‘Puta’ bakaba ari we bakoresha kandi babona yarakoze akazi keza.

Bull Dogg yasobanuye ko ‘Puta’ itari mu ndirimbo zigize Album yitegura gushyira hanze  bitarenze uyu mwaka ndetse ateganya ko bishobora kutarenza Ukwakira 2024.

KANDA HANO UKURIKIRE IKIGANIRO TWAGIRANYE NA BULL DOGG

">
KANDA HANO UREBE INDIRIMBO NSHYA 'PUTA' YA BULL DOGG NA JUNO KIZIGENZA

">

Bull Dogg yagarutse ku kuba 'Puta' ari indirimbo igaruka ku biriho mu buzima Bull Dogg yashimiye uruhare rwa Teta Kumba mu ndirimbo nshya yashyize hanze Bull Dogg yagaragaje ko impano ya Juno Kizigenza yihariye ariko umubano basanzwe bafitanye warushijeho kwihutisha akaziPrince Kiiiz ni we mvano y'indirimbo nshya ya Bull Dogg na Juno Kizigenza akaba ari na we wayitunganije mu buryo bw'amajwi