Uyu mukinnyi ari kubarizwa mu gihugu cya Mali afitemo inkomoko aho ari mu biruhuko nyuma y'uko ikipe ye y'igihugu y'u Bufaransa itamuhamagaye ngo imwifashishe mu mikino ya 1/2 cya UEFA nations League.
Ku munsi w'ejo ni bwo hagiye hanze ifoto y'uyu mukinnyi ari kumwe n'umugore mu myambaro ya Islam bikavugwa ko yaba yakoze ubukwe abukoreye i Bamako. Aya makuru ariko ntabwo ari guhurizwaho n'ibinyamakuru bitandukanye aho bimwe biri kugaragaza ko atari byo.
Umwe mu bavukana na N’Golo Kanté yabwiye ikinyamakuru kitwa The Pinnacle Gazzete ko "Amakuru ari kuzenguruka kuri interineti yerekeye iyi foto ko N'Golo Kanté yashakanye ni ibinyoma".
Uyu mukinnyi ukina mu kibuga hagati akunze kugira ibanga ibijyanye n'ubuzima bwe bwo hanze y'ikibuga ndetse ntabwo yakunze kuvugwa mu bijyanye n'inkundo gusa hari umwe byigeze kuvugwa ko bari gukundana witwa Jude Littler wahoze akundana n'umunyabigwi w'umupira w'amaguru, Djibril Cissé.
Ibi bije nyuma y'uko N’Golo Kanté yubatse ibitaro muri Mali mu rwego rwo guteza imbere ibikorwa remezo byubuvuzi n'imibereho myiza yabana muri Afurika.
Ibi Bitaro bifite agaciro k'amafaranga arenga miliyari 5 z'Amanyarwanda bikaba bihereye mu murwa mukuru wa Mali i Bamako.
N’Golo Kanté avuga ko yagize ikibazo mu gukura mwe , bityo akaba ashaka gukora ibishoboka byose kugira ngo agire impinduka azana mu buryo bwose bushoboka.
Ntabwo ari ibi gusa uyu mukinnyi wegukanye igikombe cy'Isi cya ari kumwe n'u Bufaransa amaze gukora muri Mali gusa kubera ko yahaguze n'inzu aho yayigurire abo mu muryango we.
N’Golo Kanté uzwiho kugira umutima mwiza ababyeyi be bakomoka muri Mali gusa we yavukiye mu Bufaransa.
N’Golo Kanté byavugwaga ko yaba yakoze ubukwe ariko bishobora kuba ataribyo