Uyu muhanzikazi ari mu Rwanda kuva mu
cyumweru gishize, aho yitegura kujya mu kirwa cya Zanzibar kujya gufata
amashusho y’indirimbo 'Juju' yakoranye na Gabiro Guitar.
Yifashishije imbuga nkoranyambaga ze,
uyu muhanzikazi yagaragaje ko yasuye zimwe mu nyamaswa zibarizwa muri Pariki y'Akagera.
Pariki y’Akagera ikora ku Karere ka
Kayonza, Gatsibo na Nyagatare two mu Burasirazuba. Ni imwe muri pariki eshatu z’igihugu
zisurwa cyane na ba mukerarugendo benshi.
Iyi pariki irimo inyamaswa z’inkazi
zirimo Intare, Inkura, Imbogo, Inzovu n’ingwe.
Neza ni umuhanzikazi w'umunyakanada
ukomoka mu Rwanda. Muri 2017, yahawe igihembo cya '"Most Promising Artist
in Africa" na All Africa Music Awards.
Yatangiye umuziki mu ntangiriro
za 2000. Mu 2010 uyu muhanzikazi yasohoye EP 7 yiswe 'Brand New', yagaragayemo
indirimbo 'Go Gettaz'.
Iyi ndirimbo yagaragaye kandi kuri
mixtape ya DJ Charlie Brown 'Brown Billz - R&B Edition'.
Mu 2017 Neza yimukiye i Lagos, muri
Nigeria maze asinyana n'umuririmbyi wo muri Nigeria, Mc Galaxy amasezerano yo
gukorana mu muziki, MCG Empire.
Neza yasohoye indirimbo eshatu zirimo
‘Uranyica’, ‘Shaba’ na ‘Vibe’. Uyu mukobwa yagaragaye kandi kuri Album ya Skales, umuhanzi wo muri Nigeria mu ndirimbo ebyiri "Gbe" na "Good Life. 
Neza yagaragaje ko yagiriye ibihe
byiza muri Pariki y’Akagera
Neza yasuye inyamaswa z’amoko
atandukanye abarizwa muri iyi Pariki
Intare ni imwe mu nyamaswa eshanu
zibarizwa muri iyi pariki igizwe n’ibiyaga byinshi
Mu nyamaswa Neza yabonesheje amaso
harimo n’imbogo, imwe mu nyamaswa z’inkazi