Ku kibuga cya Phoenix Suns, Footprint Arena, Sun Antonio Spurs yatangiye igice cya mbere wagira ngo niyo yakiriye umukino. Igice cya Mbere cyarangiye Sun Antonio Spurs yatsinze amanota 75 kuri 55 ya Phoenix Suns.
Mu gice cya kabiri Phoenix Suns yagerageje kugaruka mu mukino nuko inanirwa gukuramo ikinyuranyo cy'amanota menshi yari yatsinzwe Sun Antonio Spurs. Umukino warangiye Sun Antonio Spurs itsinze Phoenix Suns amanota 132 ku 121.
Kuri Footprint arena, abafana ba Sun Antonio Spurs batashye baririmba umufaransa ufite amamuko muri Repubulika iharanira Demokarasi ya Congo, Victor Wembanyama.
Victor Wembanyama ni umukinnyi w'imyaka 19 y'amavuko, akaba yitezweho kuzakora ibitangaza muri NBA, anabikesha uburebure budasanzwe afite.
Ku mukino wa Phoenix Suns na Sun Antonio Spurs, Victor Wembanyama yatsinze amanota 38, Libound 10 na assist 2.
Abandi bakinnyi bitwaye neza muri uyu mukino ni Booker na Kevin Durant ba Phoenix Suns. Booker Yatsinze amanota 31, libound 9 na assist 13, naho Kevin Durant Yatsinze amanota 28, assist 1 na libound 6.
Mu yindi mikino yabaye muri NBA, Philadelphia yatsinze Toronto Raptors amanota 114 kuri 99, New Orlando Pelican yatsinze Detroit Pistons amanota 125 ku 116 naho Orlando Magic itsinda Utah Jazz amanota 115 ku 113.
Sun Antonio Spurs yatsindiye Phoenix Suns imbere y'abafana bayo
Victor Wembanyama wa Sun Antonio Spurs niwe mukinnyi witwaye neza mu mukino kurenza abandi
Victor Wembanyama ufite amamuko muri Repubulika iharanira Demokarasi ya Congo ariko akaba ari Umufaransa, yitezweho kuzakora ibitangaza muri NBA