Iyi nkuru y'incamugongo, yamenyekanye nyuma y'itangazo ryashizwe ahagaragara n'ubuyobozi bwa NBA. Ni itangazo ryemeje neza ko Dejan Milojević, atagihumeka umwuka w'abazima.
Dejan Milojević, yaguye mu bitaro bya Salt Lake City, ubwo yari yabigezemo ku wa Kabiri, yafashe n'indwara y'umutima.
Umwe mu bashenguwe n'urupfu rwa Dejan Milojevic, harimo umutoza mukuru wa Golden State Warriors, Steve Kerr,wavuze ko yari ingirakamaro mu buzima bwa buri munsi muri Golden State Warriors.
Steve Kerr yagize ati " Ni inkuru y’akababaro yadutunguye cyane. Yazanaga ibyishimo mu ikipe buri munsi kuko byari bimurimo. Twari tumufite nk’umuntu w’ingirakamaro cyane kandi w’inyangamugayo. Twihanganishije umugore we, Natasa n’abana be Nikola na Masa''.
Umunya Serbia Dejan Milojevic, yitabye Imana ku myaka 46 y'amavuko gusa. Imyaka 14 yose yakiniye ikipe y'igihugu ya Serbia, ndetse yanayibereye umutoza ubwo yari akimara gusezera kuri uyu mukino mu 2019.
Dejan Milojevic, yageze muri Golden State Warriors mu 2021, mu 2022 ari umutoza wungirije afasha iyi kipe kwegukana NBA Championship.
Urupfu rwa Dejan Milojevic, rwatumye umukio Golden State Warriors yari gukina na Utah Jazz usubikwa.
Umunya Serbia Dejan Milojevic wari umutoza wungirije wa Golden State Warriors, yitabye Imana ku myaka 46 y'amavuko
