Ni amagambo yavuze mu ijoro ryo ku wa Gatanu tariki ya 28 Werurwe 2026, nyuma y’umukino wa mbere w’Itsinda A mu marushanwa ya FIFA Series 2026. Mu rwambariro, Constantine yashimiye abakinnyi be ku buryo bitwaye, ariko abibutsa ko hakiri urugendo rurerure.
Yagize ati: “Mwakoze cyane, nabonye ikipe nifuza kuva ku mukino wa mbere. Mushobora kuba mutanzi neza, ariko iyo mvuze ibintu mba nkomeje. Mwagaragaje urwego rwiza.”
Yakomeje agaragaza ko nubwo batsinze, bagomba gukomeza kwitwararika ati: “Twakinnye n’ikipe itari yiteguye neza. Iyo iza kwitegura neza, ibintu byari kuba bitandukanye, ariko twari kuyitsinda.”
Constantine yanibukije abakinnyi be ko batagomba gusubira inyuma, kuko iyi ntsinzi ari umusingi w’ahazaza h’Amavubi mashya: “Izi ni intangiriro z’Amavubi mashya. Ntitugomba gutsindwa n’uwo ari we wese, uhereye ku mukino utaha.”
Yanongeyeho ko intego nyamukuru iri imbere atari aya marushanwa ya gicuti, ahubwo ari imikino yo gushaka itike y’Igikombe cya Afurika cya 2027 iteganyijwe muri Kamena 2026. Ati: “Ibi birarangiye, tugomba gutegura ibizaza kuko akazi nyakuri kari imbere.”
Muri uyu mukino witabiriwe na Perezida Paul Kagame, ibitego bya Mickels, Jojea, Djihad na Sahabo byahesheje u Rwanda intsinzi, ruteganya guhura na Estonia ku wa Mbere Saa 19:30 z’ijoro kuri Stade Amahoro.
Uko amakipe azakina umukino wa nyuma n'umwanya wa Gatatu mu Itsinda A
Kuri iki Cyumweru, mu itsinda B bazakina umukino wa nyuma n'umwanya wa gatatu