Umukinnyi Mugenga Léonce uzwi ku izina rya Rome wakiniye amakipe atandukanye y’umukino w’amaboko Basketball mu Rwanda yitabye Imana mu bitaro byitiriwe umwami Faycal azize uburwayi.
Nyakwigendera Leonce
Léonce yakiniye amakipe nka Generation 2000, Kaminuza nkuru y’u Rwanda yanizemo, Espoir, APR BBC n’ayandi akaba ndetse yaranakiniye ikipe y’igihugu mu mwaka wa 2005 na 2006.
Amakuru dukesha Ruhagoyacu ni uko Kuri uyu wa mbere tariki ya 8/10/2012 aribwo umurambo wa nyakwigendera wasezeweho bwa nyuma ku bitaro by’umwami Faycal.
Nyuma yo kumusezeraho Mugenga Léonce yasomewe igitambo cya misa kuri Saint Famille mbere yo gushyingurwa i Rusororo.
Mugenga Leonce yakinaga nk’uyobora umukino (meneur) mu kibuga yahagaritse gukina umukino wa Basketball nk’umunyamwuga mu mwaka wa 2010 asoreza mu ikipe ya Espoir.
Leonce yitabye Imana afite imyaka 29 gusa. Imana imuhe iruhuko ridashira.
Rutaganda Ponny