Ibi byatangajwe n’Umuvugizi wa RIB, Dr Murangira B Thierry, mu kiganiro n’abanyamakuru cyabaye kuri uyu wa Mbere tariki ya 1 Ukuboza 2025.
Tariki ya 26 Ugushyingo ni bwo
Djihad na Kwizera Nestor batawe muri yommbi na RIB bakurikiranyweho gukwirakwiza
amashusho ya Yampano ari gutera akabariro. Ku munsi ukurikiyeho dosiye yabo
yahise ishyikirizwa ubushinjacyaha.
Umuvugizi wa RIB yasobanuye impamvu yabyo agira ati: ”Impamvu
Cyprien Uzabakiriho wamenyekanye nka Djihad na Kwizera Nestor bafashwe umunsi
ukurikiye dosiye yabo ikoherezwa mu bushinjacyaha n’uko ari dosiye y’inyongera
kuri ba K John na ba Ishimwe Patrick kuko ni dosiye imwe iyo rero hafashwe undi
muntu ntabwo wongera ngo ukore indi dosiye uhita uyongera kuri ya yindi
bikajyana”.
Dr Murangira B Thierry yavuze ko n'iyo waba ufite
izina rinini, ritaremereye kurusha amategeko. Ati: ”Nubwo waba ufite izina
riremereye nk'iki, ntabwo riremereye kurusha amategeko. Ibyo rero itegeko
rikurikizwa uko riri, ibyo rero iyo itegeko ryagutunze inkoni ni wowe
ukirikiranwa”.
Yasobanuye ko kuva muri 2022 bakiriye ibirego 9
birega Djihad. Yabisobanuye agira ati: ”Umwihariko wa Djihad guhera tariki ya 18
z’u kwa 3 muri 2022 kugeza tariki ya 9 z’u kwa 11 muri uyu mwaka wa 2025
yarezwe ibirego 9 ariko mu busesenguzi bw’ubugenzacyaha, [ibirego] 6 nibyo byari
nshinjacyaha, [ibirego] bitatu ni mbonezamubano ubwo hasanzwe ari ugusebanya. Ibyo ngibyo twagiriye inama abareze ko baca mu
zindi nzira zitari iza RIB”.
Yakomeje agira ati: ”Tariki ya 18 z’u kwa 3 muri 2022 yarezwe gutangaza amakuru y’ibihuha, dosiye yoherejwe mu bushinjacyaha, 6 z’u kwa 5 muri 2024 yarezwe gukangisha gusebanya hifashishijwe amafoto y’urukazosoni, iyo dosiye nayo yoherejwe mu bushinjacyaha.
Tariki ya 13 z’ukwezi kwa mbere 2025
yarezwe gutangaza amakuru y’ibihuha no gukangisha gusebanya hifashishijwe
amashusho y’urukazosoni, dosiye yoherejwe mu bushinjacyaha ,tariki ya 27 z’u
kwa 10 yarezwe gutangaza amakuru y’ibihuha, dosiye iracyakorwaho iperereza. Tariki
ya 13 z’u kwa 11 yarezwe gutangaza amakuru y’ibihuha, dosiye nayo iracyakorwaho
iperereza, tariki ya 9 z’u kwa 11 2025 yarezwe gukangisha gusebanya hakoreshejwe
amashusho y’urukazosoni, dosiye nayo iracyakorwaho iperereza.”
Dr Murangira
B Thierry yavuze ko ibiregwa Djihad bifite aho bihuriye aho niba atari ugutangaza amakuru y’ibihuha ari
ugukangisha gusebanya. Yasobanuye ko hari ukuntu abantu bagirana ibibazo mu gihe
umwe ashaka kwihimura ku wundi yifashishije amashusho ye y’urukazosoni akanyura
kuri Djihad ngo ayashyire hanze.
Yavuze ko yicaranye na Djihad mu biro bye amasaba kugenza macye gusa agakomeza kubirengaho.
