Iki gikorwa cyiswe "Soirée with Prophet Ernest Nyirindekwe" cyabaye tariki ya 21 Werurwe 2026, muri Suwede kuri Elite Hotel Marina Tower, Stockholm kuva saa kumi n’imwe z’umugoroba kugeza saa mbiri z’ijoro. Abitabiriye bari bambaye imyenda y’umweru n'umukara, buzuye amashimwe ya byinshi Imana yakoze mu buzima bwabo.
Uretse muri Sweden, igiterane nk'iki cy'abambaye umweru cyanabereye mu Bwongereza ku wa 14 Gashyantare 2026 ubwo Prophet Ernest yari yasuye abakristo baho, mu giterane yari yise "Meet and Greet". Abitabiriye bahagiriye ibihe byiza, binakora ku mutima wa Prophet Ernest.
Prophet Ernest akomeje kubera umugisha amahanga binyuze mu ivugabutumwa rikora ku mitima y’abantu, rikabafasha kubohorwa no gukomera mu kwizera, mu bihugu byo ku mugabane w’Uburayi. Amaze gukora ivugabutumwa mu bihugu birimo u Bubiligi, Ubwongereza na Sweden ndetse ategerejwe mu Bufaransa mu mpeshyi.
Ni igiterane cyiswe “Injira mu gihe cyawe”, kizabera mu Mujyi wa Paris, mu Bufaransa, kuva ku wa 10 Nyakanga 2026 kugera ku wa 12 Nyakanga 2026. Ni iyogezabutumwa ritegerejwe na benshi mu batuye mu Burayi, rikaba ryitezweho guhindura imitima no gushimangira ukwizera kw’abakirisitu bitabiriye.
Iki gikorwa cyateguwe na Elayono Sweden iyoborwa na Prophet Ernest Nyirindekwe
Prophet Ernest yashimiye cyane abakristo bitabiriye "gusangira kw'Abera"
Prophet Ernest ategerejwe mu Bufaransa mu giterane kizaba mu mpeshyi y'uyu mwaka