MTN yashishikarije abantu kugura ‘Router’ za Internet binyuze muri gahunda yitwa ‘Urugo Net’ -AMAFOTO

Izi ‘Router’ zari zisanzwe ziri ku isoko, ariko binyuze mu gitaramo cya Gen-z Comedy cyabaye mu ijoro ryo kuri uyu wa Kane tariki 11 Nzeri 2025, MTN yongeye gukangurira abantu kuzigura kuko zifasha buri wese kubona ‘Internet’ mu buryo bwihuse.

Iyi ‘Router’ igura ibihumbi 30 Frw ugahabwa na SimCard yayo. Ni ‘Router’ itanga Internet ku bantu bagera kuri 15, ndetse iboneka mu maduka (Service Center) ya MTN hirya no hino mu gihugu.

Umukozi Ushinzwe Itangazamakuru muri MTN Rwanda, Mutangana Alphonse yasabye abitabiriye igitaramo cya Gen-z Comedy cyabereye muri Camp Kigali, kugura ‘Router’ za Internet kuko zitanga internet nziza kandi igakora neza.

Ati: “Iyi ng’iyi ikora mu rugo, wagakoresha ahandi ariko biba byiza iyo ari mu rugo. Iyi ‘Router’ ya Internet igura ibihumbi 30 Frw, kandi itanga internet kuri ‘Device’ 15 cyangwa se izirenzeho, ariko iyo zirenzeho ‘internet’ itangira kuba nkeya, ariko iyo ari 15 biba ari byiza cyane.”

Yavuze ko iyo uguze iyi ‘Router’ baguhana na Simcard yayo, ndetse gakoreshwa mu buryo bwo gucomeka ku muriro ubundi ugatangira gukoresha Internet.

Iyi router ni nto kandi igendana, ikoresha ikoranabuhanga rya 4G+ rya MTN. Ni nziza ku bantu bakunda kugenda cyangwa bashaka guhuza ibikoresho byinshi kuri interineti batavuye hamwe. Itanga interineti aho umuyoboro wa MTN 4G+ ugera hose.

Iyi ni router yoroshye kandi gukoresha, ukayihuza n'amashanyarazi gusa (plug and play). Ikoresha umuyoboro wa 4G+ wa MTN, kandi ikora neza ahantu haherereye umuyoboro wayo.

MTN Rwanda yongereye amahitamo yo kubona interineti yihuse binyuze muri gahunda ya Urugo Net 

Router nshya za MTN Urugo Net zihuza abantu 15 icyarimwe, zikoresha ikoranabuhanga rya 4G+ 

Umukozi Ushinzwe Itangazamakuru, Mutangana Alphonse yavuze ko iyi Router igura 30,000 Frw, ikaba itanga interineti yihuse ukoresheje Plug & Play 

Mu gitaramo cya Gen-Z Comedy, MTN yashishikarije abantu kugura izi Router mu rwego rwo korohereza abakeneye interineti ihoraho

Urugo Net ni igisubizo ku bantu bifuza interineti nziza mu rugo cyangwa aho bakorera hamwe

Umuhanzi akaba n'umunyamakuru, Luwano Tosh [Uncle Austin] yitabiriye igitaramo cya Gen-z Comedy

Bugingo Bonny wamamaye nka Junior Giti ari mu bitabiriye iki gitaramo cyabaye mu ijoro ryo kuri uyu wa Kane tariki 11 Nzeri 2025

Mazimpaka Jonnes Kenndy yaganirije urubyiruko binyuze mu gace ka 'Meet me Tonigh' muri Gen-z Comedy

Dj Phil Peter na Ndimbati bari mu bitabiriye iki gitaramo cy'urwenya gihuza abantu b'ingeri zinyuranye

Abitabiriye bashishikarijwe kugura 'Router' za Internet za MTN Rwanda

Umuyobozi wa Ikirenga Art and Cultural Promotion, Hakizimana Pierre [Uri iburyo] yavuze ko mu Ukuboza 2025 iserukiramuco 'Ikirenga' rizabera mu Mujyi wa Kigali